| e-texts navigator |
| བོད་ཡིག |
149b1 bor te/ yul gzhan zhig tu tshe smad la 'dug pa na sngon gyi grong de yang zhig ste/ sngon mi 'dra ba las mi des sngon gyi khang pa'i dbyibs dang rgya ci 'dra ba ma zhig pa/ ma 'dra mas pa rmis na grong dang khang pa de la sems yod na ni khang pa de'i sems snang du rung na khang
149b2 pa dang grong des rdo bems po yin na mi des rmis pa de ci'i phyir bag chags rtas pa ma yin/ de bzhin du tshe 'phos pa'i dan rtags dang bcas pa yang khang pa ma zhig pa rmis pa dang 'dra ste/ tshe 'phos pa'i sems kyang las gar 'thun par skye ba blangs zin na de snad du
149b3 btub bam/ kye rgyal po chen po de'i phyir bag chags mthu rtas pa'i dbang gis tshe 'phos pa'i gtan tshigs dang / cha lugs mthong ba dang rmis pa yin no/ /de bzhin du ral gri la sogs pa'i go mtshon thogs pa dang / gos dang / rgyan la sogs pa gyon pa
149b4 dang / rta dang / glang po che la sogs pa zhon par snang ba dang rmi lam du 'byung ba yang bag chags snang ba yin te/ khang pa'i dpe bzhin du rig par bya'o/ /kye rgyal po chen po rgyal po chen pos 'di nas shi 'phos pa la pha ma'am/ spun nam/ bu la sogs pa nye ris
149b5 rnams kyis bza' ba dang / btung ba nyung ngu nyung ngur gtad pa dang / bsngos pa yang bskul pa mang po'i bar du zad par mi 'gyur bar za zhing 'thung ngo zhes 'jig rten pa dag mchis na de ltar lags sam/ zhes gsungs pa ni kye rgyal po chen po gling bzhi pa nas
149b6 stong gi 'jig rten gyi khams dang / stong gnyis pa dang / stong gsum gyi stong chen po'i 'jig rten gyi khams dang / 'jig rten gyi khams mtha' yas pa dpag tu med pa bsam gyis mi khyab pa thams cad na bza' ba dang btung ba nyung ngu nyung ngus dus thams cad dang /
149b7 bskal pa mang por za ba'i sems can gzigs sam/ gsan nam/ kye rgyal po chen po yid bzhin gyi nor bu rin po che la ci bsams pa'i 'dod pa 'byung ba 'khor los sgyur ba'i rgyal po la yod pa yang sngon bskal pa mang por bsod nams kyi tshogs tshad med pas
iiif viewer powered by OpenSeadragon
Texts on this page
D308 - tshe 'pho ba ji ltar 'gyur ba zhus pa'i mdo