| e-texts navigator |
| བོད་ཡིག |
149a1 mthar thug pa med pa yod do/ /dri za 'chi ka ma'i sems la nye bar 'jug pa zhes bya ba'i rigs yod de/ /des dri za'i zas btsal ba'i phyir tshe rabs snga ma'i lus dang / gos dang / rgyan dang / cha lugs lta bu dag sprul par byed de/ tshe 'phos pa
149a2 de'i cha lugs dang gtam dag byed cing sprul pa ston pa yang yod do/ /kye rgyal po chen po 'di la gzhan yang yod de/ /dri za las ma gtogs pa gzhan yang gnod sbyin dang / sha za dang / 'byung po la sogs pas tshe 'phos pa'i pha'am/ bu'am/ spun la
149a3 sogs pa bslu ba'i phyir mi ma yin pa des 'jig rten pa'i rdzu 'phrul gyis tshe 'phos pa'i gtan tshigs dang / sa mal dang / lo rgyus dag shes par byas nas mi ma yin pa de'i byin gyis pha ma la sogs pas mthong ba dang / rmi lam du 'byung ba yang yod do/ /kye rgyal
149a4 po chen po 'di la gzhan yang yod de/ /spad dang spun la sogs pa yun ring por lhan cig pa'i bag chags rtas pas mthong ba dang rmi lam du snang ba yang yod de/ dper na mi zhig gis da ltar tshe ma 'phos pa'i rang gi pha ma'am/ spun zla'am/ bran khol lam/
149a5 gzhan su yang rung ba dag dang 'grogs pa dang / longs spyod kyi bde ba'am/ dgra rkun dang / 'thab rtsod la sogs pa bde ba dang / sdug bsngal gang yang rung bdag rmis na mi des rmis pa bzhin du gang rmis pa'i pha ma'am/ spun zla'am/ bran khol lam gzhan
149a6 su yang rung ba rmi lam na snang ba des tshor ba yod na ni rmis pa de bden pa yin na des rmis pa'i pha ma'am/ spun zla'am/ bran khol lam/ gzhan su yang rung ba rmi lam na snang ba de bden par ji ltar bzung / kye rgyal po chen po tshe ma 'phos pa yang gcig gis rmis
149a7 pa gcig gis mi tshor na tshe 'phos pa'i rmis pa tshe 'phos pa de yin par ga la 'gyur te bag chags rtas pa yin no/ /kye rgyal po chen po bag chags lags pa'i dpe ni gzhan yang mchis te/ mi zhig sngon tshe stod la mchis pa'i mkhar dang / khang pa dang / grong gang yin pa zhig
iiif viewer powered by OpenSeadragon
Texts on this page
D308 - tshe 'pho ba ji ltar 'gyur ba zhus pa'i mdo