rKTs

e-texts navigator

Volume

Page

147b₁ tshe 'phos nas pha dang / mes po dang / yang mes la sogs pa thog ma med pa nas bzung ba'i bar du gcig nas gcig tu brgyud pa'i ris 'thun pa rnams 'jig rten pha rol na skye ba mi len par 'di na ci spyod pa bzhin 'grogs te gnas so zhes 'jig rten pa dag mchi na/
147b₂ de de ltar lags sam/ zhes gsung ba ni/ kye rgyal po chen po 'di na pha dang bu la sogs pa gcig la gcig snang ba ni gzugs dngos po can gcig la gcig snang gi/ /sems gcig gis gcig mthong ba ni ma yin te/ gzugs kyi phung po 'dir zhig ste
147b₃ med na/ pha rol na sems gcig la gcig ji ltar snang ste 'grogs/ tshe 'phos pa'i pha dang / mes po dang / yang mes la sogs pa da ltar tshe ma 'phos pa'i bu tsha gzugs yod pas kyang mi mthong na pha rol tu tshe 'phos pa'i lus med pas pha dang / mes po dang /
147b₄ yang mes la sogs pa gzugs med pa ji ltar mthong nas 'grogs/ kye rgyal po chen po gzhan yang 'di na pha dang / bu dang / spun mang po 'grogs pa'i dus na yang gzugs so sor snang ba las ma gtogs pa rang gi sems kyang rang gis mi mthong na spad dang spun gyi
147b₅ sems gcig gis gcig lta ga la mthong na/ tshe 'phos nas ji ltar mthong ste/ pha rol na spad dang / spun dang / mes po dang / yang mes la sogs pa ji ltar snang nas 'grogs/ kye rgyal po chen po thog ma med pa'i dus na de bas snga ba med pa'i mes po dang / da lta'i bu
147b₆ tsha rnams pha rol na 'grogs na da lta mi'i rus dang / rigs dang / phyogs dang / ris mi gcig pa tha dad pa mang po ji snyed pa rnams so sor dgrar gyur pa rnams dang / gnas gang na 'dug pa dang / rus rigs gcig pa dang / skad dang cha lugs ma thos pa dang ma
147b₇ mthong ba dag kyang thog ma mes po gcig las gyes pa yin na da ltar spad dang / spun dang mes po la sogs pa 'grogs mi 'grogs kyi mtshams spun dang spad gang la gzung / dang po mes po nas bzung ste da ltar spun dang spad kyi bar du brgyud pa rnams kyang da ltar gyi spad

_{iiif viewer powered by OpenSeadragon}

147a - 148a

Texts on this page