| e-texts navigator |
| བོད་ཡིག |
305a1 'di lta ste/ dge ba'i bshes gnyen dang / dge ba'i grogs po dang / dge ba'i sten 'di ni tshangs par spyod pa'i phyed yin gyi/ sdig pa'i bshes gnyen dang / sdig pa'i grogs po dang / sdig pa'i sten ni de lta ma yin no zhes ma zer cig /de ci'i phyir zhe na/
305a2 kun dga' bo 'di lta ste/ dge ba'i bshes gnyen dang / dge ba'i grogs po dang / dge ba'i sten 'di ni tshangs par spyod pa'i ril po dang / ma 'dres pa dang / yongs su rdzogs pa dang / yongs su dag pa dang / yongs su byang ba yin gyi/ sdig pa'i bshes gnyen dang / sdig
305a3 pa'i grogs po dang / sdig pa'i sten 'di ni de lta ma yin no/ /de ci'i phyir zhe na/ kun dga' bo bshes gnyen dang / nga la brten nas sems can skye ba'i chos can rnams skye ba'i chos can las yongs su grol bar 'gyur ba dang / sems can rga ba dang / na ba dang / 'chi ba dang /
305a4 mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can las
305a5 yongs su grol bar 'gyur ba'i phyir ro/ /kun dga' bo de bas na rnam grangs kho nas khyod kyis 'di ltar rig par bya ste/ 'di lta ste/ dge ba'i bshes gnyen dang / dge ba'i grogs po dang / dge ba'i sten 'di ni tshangs par spyod pa'i ril po dang / ma 'dres
305a6 pa dang / yongs su rdzogs pa dang / yongs su dag pa dang / yongs su byang ba yin gyi/ sdig pa'i bshes gnyen dang / sdig pa'i grogs po dang / sdig pa'i sten 'di ni de lta ma yin no/ /zhes kun dga' bo khyod kyis de ltar bslab par bya'o/ /bcom ldan 'das kyis
305a7 de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// //'phags pa dge ba'i bshes gnyen bsten pa'i mdo rdzogs // //
iiif viewer powered by OpenSeadragon
Texts on this page
D300 - 'phags pa dge ba'i bshes gnyen bsten pa'i mdo