rKTs

e-texts navigator

Volume

Page

294b₁ gyi stong chen po'i 'jig rten gyi khams 'di lan gsum du 'gul/ kun du 'gul/ kun du rab tu 'gul/ g.yos/ kun du g.yos/ kun du rab tu g.yos/ ldeg /kun du ldeg /kun du rab tu ldeg /'khrugs/ kun du 'khrugs/ kun du rab tu 'khrugs par
294b₂ gyur to/ /de nas 'khor gyi bdag po tshangs pa dang / lha rnams kyi dbang po brgya byin rang gi ris na gnas pa gnyis 'di snyam du sems te/ sangs rgyas bcom ldan 'das 'di ni ku sha'i grong khyer dang nye ba na bzhugs te/ ku sha'i grong khyer nas skyes pa'i gyad rnams rdzu
294b₃ 'phrul gyi cho 'phrul chen pos 'dun par mdzad nas ring po mi thogs par da phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur gyis/ gang 'o na bdag cag dong nas/ bcom ldan 'das de bzhin gshegs pa dgra bcom pa yang dag par rdzogs
294b₄ pa'i sangs rgyas la tha mar blta ba'i phyir 'dong ngo snyam mo/ /de nas 'khor gyi bdag po tshangs pa dang / /lha rnams kyi dbang po brgya byin rang gi ris nas mi snang bar gyur te/ 'dod pa na spyod pa dang / gzugs na spyod pa'i lha rnams dang lhan cig bcom ldan 'das kyi spyan sngar 'khod
294b₅ do/ /'khor gyi bdag po tshangs pa phyogs gcig tu 'dug pas de'i tshe tshigs su bcad pa dag gsol pa/ rdzogs pa'i sangs rgyas grags ldan pa/ /de dag mthong ba rnyed par dka'/ /u dum bA ra'i me tog bzhin/ /bskal pa bye bar rnyed par dka'/ /shAkya seng ge mi yi mchog /ston khyod
294b₆ de bzhin rnyed par dka'/ /gzugs na spyod pa'i lhar bcas te/ /thal mo rab sbyar khyod la 'dud/ /lha rnams kyi dbang po brgya byin phyogs gcig tu 'dug pas de'i tshe tshigs su bcad pa dag gsol pa/ bdag gi chos mig rnam par dag /snying la chos kyi sgron ma 'bar/ /ngan song
294b₇ sgo rnams bcad lags te/ /bdag la ngan 'gro'i 'jigs ma mchis/ /e ma'o ston pa thugs rje can/ /phan par bzhed dang thugs brtse ba/ /'dod par spyod pa'i lhar bcas te/ /thal mo rab sbyar khyed la 'dud/ /mi thogs yongs su mya ngan 'da'/ /khyod la tha mar lta ba lags/ /'khor gyi

_{iiif viewer powered by OpenSeadragon}

294a - 295a

Texts on this page