| e-texts navigator |
| བོད་ཡིག |
293a1 yang thob par byed do/ /gnas 'jog gi rgyud dag 'dzam bu'i gling yang zhog /shar gyi lus 'phags gling yang zhog gi/ /gnas 'jog gi rgyud dag ba lang spyod kyi gling zhes bya ba chu dang rgyar dpag tshad dgu stong yod cing / kun du zlum po yod de/ de la yang gom
293a2 pa 'di snyed cig yod do zhe'am/ gom pa brgya'am/ gom pa stong ngam/ gom pa brgya stong zhig yod do zhes bgrang ba dang / tshad gzung bar nus kyi/ gnas 'jog gi rgyud dag sangs rgyas la dge ba'i rtsa ba bskyed pa ni bgrang ba dang / tshad gzung bar mi nus te/ 'khor
293a3 bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do/ /chos la dge ba'i rtsa ba bskyed pa dang / dge 'dun la dge ba'i rtsa ba bskyed pa ni bgrang ba dang / tshad gzung bar mi nus te/ 'khor bar zad par mi
293a4 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do/ /gnas 'jog gi rgyud dag 'dzam bu'i gling yang zhog /nub kyi ba lang spyod kyi gling yang zhog /shar gyi lus 'phags gling yang zhog gi/ /gnas 'jog gi rgyud dag byang
293a5 gi sgra mi snyan gyi gling zhes bya ba chu dang rgyar dpag tshad khri yod pa kun du gru bzhi pa yod de/ de la yang gom pa 'di snyed cig yod do zhe'am/ gom pa brgya'am/ gom pa stong ngam/ gom pa brgya stong zhig yod do zhes bgrang ba dang / tshad gzung bar nus kyi/ gnas 'jog
293a6 gi rgyud dag sangs rgyas la dge ba'i rtsa ba bskyed pa ni bgrang ba dang / tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do/ /chos la dge ba'i rtsa ba bskyed pa dang /
293a7 dge 'dun la dge ba'i rtsa ba bskyed pa ni bgrang ba dang / tshad gzung bar mi nus te/ 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa yang thob par byed do/ /gnas 'jog gi rgyud dag gling bzhi pa'i 'jig rten gyi
iiif viewer powered by OpenSeadragon
Texts on this page
D295 - 'phags pa rdo 'phangs pa'i mdo