rKTs

e-texts navigator

Volume

Page

292a₁ tu rdo chen po yangs pa de'i phyogs gcig tu bzhugs so/ /ku sha'i grong khyer nas skyes pa'i gyad rnams kyang rdo chen po yangs pa de nyid kyi phyogs gcig tu 'khod do/ /de nas bcom ldan 'das ku sha'i grong khyer nas skyes pa'i gyad rnams la shad kyis sbyong ba
292a₂ ltar mdzad cing ku sha'i grong khyer nas skyes pa'i gyad rnams la 'di skad ces bka' stsal to/ /gnas 'jog gi rgyud dag rdo chen po yangs pa 'di ni bskal pa dang po'i mi rnams kyi rtsol ba'i rdor gyur te/ 'di ltar deng sang yang de la sor mo'i rjes dag snang ba'i phyir ro/ /
292a₃ gnas 'jog gi rgyud dag de ltar 'du byed thams cad ni mi rtag pa/ mi brtan pa/ yid brtan du mi rung ba/ rnam par 'gyur ba'i chos can dag yin te/ 'du byed thams cad kyi bar gyis chog pa nyid do/ /skyo bar bya ba'i rigs so/ /'dod chags dang bral bar bya
292a₄ ba'i rigs so/ /rnam par grol bar bya ba'i rigs so/ /gnas 'jog gi rgyud dag rgya mtsho chen po ni rgyu bzhis bskam par mi nus so/ /bzhi gang dag gis zhe na/ 'og tu ni gser gyi 'khor los kun du bzung ba dang / ngos su ni khor yug gis yongs su bzung ba
292a₅ dang / steng nas ni klu chen po dag gis shing rta'i srog shing tsam du chu'i rgyun gyi char 'bebs par byed pa dang / chu bo chen po thams cad chu klung stong phrag du ma'i 'khor dang ldan pa rgya mtsho chen por 'bab par byed pa'o/ /de ltar sangs rgyas kyi bstan pa rgya mtsho 'di yang rgyu bzhis
292a₆ nub par mi 'gyur ro/ /bzhi gang dag gis zhe na/ 'og tu ni 'dul ba'i gser gyi 'khor los kun du bzung ba dang / ngos su ni mdo sde'i khor yug gis yongs su bzung ba dang / chos mngon pa'i klu chen po'i char gyis kun du yongs su gang bar byas pa dang / bsgom
292a₇ pa las byung ba'i dge ba'i rtsa ba'i chu klung dag gis yongs su rgyas par byas pa'o/ /gnas 'jog gi rgyud dag 'on kyang sangs rgyas la dge ba'i rtsa ba bskyed pa ni 'khor bar zad par mi 'gyur/ yongs su gtugs par mi 'gyur zhing / mya ngan las 'das pa mi zad pa

_{iiif viewer powered by OpenSeadragon}

291b - 292b

Texts on this page