| e-texts navigator |
| བོད་ཡིག |
291b1 dpe byad bzang pos rnam par mdzes par byas pa'i sku 'di dang stobs de dag gi snod du gyur pa'i sku srog 'di rab tu 'joms par 'gyur ba'i mi rtag pa nyid kyi stobs zhes bya'o/ /gnas 'jog gi rgyud dag 'di ni gang stobs de dag las ches stobs dang ldan zhing / gang stobs de dag zil gyis
291b2 gnon par byed pa'i stobs gzhan de yin no/ /de nas bcom ldan 'das kyis de'i tshe/ tshigs su bcad pa dag bka' stsal pa/ lus las byung ba'i stobs dang bsod nams stobs/ /ye shes stobs dang rdzu 'phrul stobs pas kyang / /nga yi gzi brjid 'joms pa
291b3 mi rtag nyid/ /mchog tu stobs dang ldan par bzhed pa yin/ /gang du de dang 'dra ba'i sku lus ni/ /gser gyi ri yi dbang po'i rtse mo 'dra/ /mi rtag nyid kyi gzi brjid kyis bcom pa/ /nga yi 'jig pa 'ong bar 'gyur ba yin/ /mi rtag nyid kyi stobs ni stobs mchog bar/ /
291b4 mkhas pa yis ni rnam par shes bya ste/ /gang du mi rtag nyid ni mi 'ong ba'i/ /mi 'chi ba yi gnas de thob par bya/ /bcom ldan 'das las ku sha'i grong khyer nas skyes pa'i gyad rnams kyis de skad thos nas rmongs par gyur te/ ji ltar yang 'du shes thob pa dag tu gyur
291b5 nas sa la 'gre ldog ste/ 'di lta ste/ shing gi sdong dum bzhin no/ /kha cig ni dpung pa dag bsnol te rab tu ngu bar byed do/ /kha cig ni sems kyi sdug bsngal dang kun du ldan zhing 'khod do/ /kha cig ni chos nyid kho na la rton par byed de/ bcom ldan 'das kyis bdag cag la
291b6 yang dang po nyid du 'dod pa dang / sdug pa dang / dga' ba dang / yid du 'ong ba thams cad las dngos po tha dad pa dang / med par 'byung ba dang / 'bral ba dang mi ldan pa 'byung bar 'gyur ro zhes gsungs so snyam mo/ /de nas ku sha'i grong khyer nas skyes pa'i gyad rnams
291b7 thi ba'i skad ltar snyan cing 'jebs pa ring zhing 'jam pa'i dbugs phyung nas mchi ma dag phyung ste/ bcom ldan 'das kyi zhabs gnyis la mgo bos phyag 'tshal nas phyogs gcig tu 'khod do/ /de nas bcom ldan 'das dge slong gi dge 'dun dang thabs cig
iiif viewer powered by OpenSeadragon
Texts on this page
D295 - 'phags pa rdo 'phangs pa'i mdo