rKTs

e-texts navigator

Volume

Page

290b₁ 'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni lha'i spyan rnam par dag pa mi las 'das pas sems can 'chi 'pho ba dag dang / skye ba dag dang / mdog bzang po dag dang / mdog ngan pa dag dang / dman pa dang / gya nom pa
290b₂ dag dang / bde 'gro dang / ngan 'gror 'gro ba dag la gzigs par mdzad cing / sems can las ji lta ba bzhin du nye bar dong ba dag la sems can 'byung ba de dag ni lus kyis nyes par spyod pa dang ldan pa dag dang / ngag dang yid kyis nyes par spyod pa dang ldan pa dag dang / 'phags
290b₃ pa rnams la skur pa 'debs pa dag dang / log par lta ba dag yin te/ log par lta ba'i las dang / chos yang dag par len pa'i rgyus de'i rgyu dang / de'i rkyen gyis lus zhig nas shi phan cad ngan song ngan 'gro log par ltung ba'i sems can dmyal ba dag tu skye bar 'gyur
290b₄ ro/ /yang na sems can 'byung ba de dag ni lus kyis legs par spyod pa dang ldan pa dag dang / ngag dang yid kyis legs par spyod pa dang ldan pa dag dang / 'phags pa rnams la skur pa mi 'debs pa dag dang / yang dag par lta ba dag yin te/ yang dag pa'i lta ba'i
290b₅ las dang / chos yang dag par len pa'i rgyus de'i rgyu dang / de'i rkyen gyis lus zhig nas bde 'gro mtho ris kyi 'jig rten du lha rnams kyi nang du skye bar 'gyur ro zhes yang dag pa ji lta ba bzhin du rab tu mkhyen to/ /gnas 'jog gi rgyud dag de bzhin gshegs pa dgra bcom pa yang
290b₆ dag par rdzogs pa'i sangs rgyas dag ni stobs dgu pa de dang ldan pa dag yin zhing / khyu mchog gi gnas rlabs po che zhal gyis 'che ste/ tshangs pa'i 'khor lo rab tu skor zhing / 'khor gyi nang du yang dag par seng ge'i sgra sgrogs par mdzad do/ /gnas 'jog gi rgyud dag gzhan
290b₇ yang de bzhin gshegs pa dgra bcom pa yang dag par rdzogs pa'i sangs rgyas rnams ni zag pa zad pas zag pa med pa'i sems rnam par grol ba/ shes rab rnam par grol ba/ mthong ba'i chos nyid bdag nyid kyis mngon par mkhyen pas mngon du mdzad de/ rdzogs par mdzad nas rab

_{iiif viewer powered by OpenSeadragon}

290a - 291a

Texts on this page