rKTs

e-texts navigator

Volume

Page

288b₁ de bzhin gshegs pa dgra bcom pa yang dag par rdzogs pa'i sangs rgyas rnams ni sems can gzhan dag dang / gang zag gzhan dag gi dbang po mchog dang mchog ma yin pa nyid yang dag pa ji lta ba bzhin du rab tu mkhyen te/ gnas 'jog gi rgyud dag 'di ltar de bzhin gshegs pa
288b₂ dgra bcom pa yang dag par rdzogs pa'i sangs rgyas rnams ni sems can gzhan dag dang / gang zag gzhan dag gi dbang po mchog dang mchog ma yin pa nyid yang dag pa ji lta ba bzhin du rab tu mkhyen to/ /gnas 'jog gi rgyud dag de bzhin gshegs pa dgra bcom pa yang dag par rdzogs
288b₃ pa'i sangs rgyas dag ni stobs bzhi pa de dang ldan pa dag yin zhing / khyu mchog gi gnas rlabs po che zhal gyis 'che ste/ tshangs pa'i 'khor lo rab tu skor zhing 'khor gyi nang du yang dag par seng ge'i sgra sgrogs par mdzad do/ /gnas 'jog gi rgyud dag gzhan yang de bzhin
288b₄ gshegs pa dgra bcom pa yang dag par rdzogs pa'i sangs rgyas rnams ni sems can gzhan dag dang / gang zag gzhan dag gi mos pa sna tshogs nyid yang dag pa ji lta ba bzhin du rab tu mkhyen te/ gnas 'jog gi rgyud dag 'di ltar de bzhin gshegs pa dgra bcom pa yang dag
288b₅ par rdzogs pa'i sangs rgyas rnams ni sems can gzhan dag dang / gang zag gzhan dag gi mos pa sna tshogs nyid yang dag pa ji lta ba bzhin du rab tu mkhyen to/ /gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs lnga pa de dang ldan pa
288b₆ dag yin zhing / khyu mchog gi gnas rlabs po che zhal gyis 'che ste/ tshangs pa'i 'khor lo rab tu skor zhing 'khor gyi nang du yang dag par seng ge'i sgra sgrogs par mdzad do/ /gnas 'jog gi rgyud dag gzhan yang de bzhin gshegs pa dgra bcom pa yang dag par rdzogs pa'i sangs rgyas
288b₇ rnams ni khams sna tshogs pa khams du ma dang ldan pa'i 'jig rten yang dag pa ji lta ba bzhin du rab tu mkhyen te/ gnas 'jog gi rgyud dag 'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni khams sna tshogs pa khams du ma dang ldan pa'i 'jig rten yang

_{iiif viewer powered by OpenSeadragon}

288a - 289a

Texts on this page