rKTs

e-texts navigator

Volume

Page

288a₁ gi rgyud dag de bzhin gshegs pa dgra bcom pa yang dag par rdzogs pa'i sangs rgyas rnams ni 'das pa dang / ma 'ongs pa dang / da ltar byung ba'i las dang / chos yang dag par len pa dag la gnas dang / rgyu dang / dngos po dang / rnam par smin pa yang dag pa ji
288a₂ lta ba bzhin du rab tu mkhyen te/ gnas 'jog gi rgyud dag 'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni 'das pa dang / ma 'ongs pa dang / da ltar byung ba'i las dang / chos yang dag par len pa dag la gnas dang / rgyu dang / dngos po dang /
288a₃ rnam par smin par yang dag pa ji lta ba bzhin du rab tu mkhyen to/ /gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs gnyis pa de dang ldan pa yin zhing / khyu mchog gi gnas rlabs po che zhal gyis 'che ste/ tshangs pa'i
288a₄ 'khor lo rab tu skor zhing 'khor gyi nang du yang dag par seng ge'i sgra sgrogs par mdzad do/ /gnas 'jog gi rgyud dag gzhan yang de bzhin gshegs pa dgra bcom pa yang dag par rdzogs pa'i sangs rgyas rnams ni bsam gtan dang / rnam par thar pa dang / ting nge 'dzin dang / snyoms
288a₅ par 'jug pa dag gis kun nas nyon mongs pa dang / rnam par byang ba dang / rnam par gnas pa dang / rnam par dag pa yang dag pa ji lta ba bzhin du rab tu mkhyen te/ gnas 'jog gi rgyud dag 'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni bsam
288a₆ gtan dang / rnam par thar pa dang / ting nge 'dzin dang / snyoms par 'jug pa dag gi kun nas nyon mongs pa dang / rnam par byang ba dang / rnam par gnas pa dang rnam par dag pa yang dag pa ji lta ba bzhin du rab tu mkhyen to/ /gnas 'jog gi rgyud dag de bzhin gshegs pa dgra bcom pa
288a₇ yang dag par rdzogs pa'i sangs rgyas dag ni stobs gsum pa de dang ldan pa dag yin zhing khyu mchog gi gnas rlabs po che zhal gyis 'che ste/ tshangs pa'i 'khor lo rab tu skor zhing 'khor gyi nang du yang dag par seng ge'i sgra sgrogs par mdzad do/ /gnas 'jog gi rgyud dag gzhan yang

_{iiif viewer powered by OpenSeadragon}

287b - 288b

Texts on this page