rKTs

e-texts navigator

Volume

Page

286b₁ 'phags pa rdo 'phangs pa'i mdo/ bam po gnyis pa ste tha ma/ gnas 'jog gi rgyud dag stong gsum gyi stong chen po'i 'jig rten gyi khams de yang rdzu 'phrul dang ldan pa dge slong maud gal gyi bu dang 'dra ba dag gis gang bar gyur la/ de bzhin gshegs pa'i rdzu 'phrul nges
286b₂ par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /de ci'i phyir zhe na/ nyan thos dang / rang sangs rgyas rnams kyi rdzu 'phrul ni lus kyis 'gro ba yin zhing /
286b₃ de bzhin gshegs pa dgra bcom pa yang dag par rdzogs pa'i sangs rgyas kyi rdzu 'phrul ni yid ltar mgyogs pa yin pa'i phyir te/ gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni rdzu 'phrul gyi stobs de lta bu dang ldan pa dag
286b₄ yin zhing / gang dag 'das pa dag dang / gang dag ma byon pa dag dang / gang yang nga da ltar byung ba'i dus na/ de bzhin gshegs pa dgra bcom pa yang dag par rdzogs par sangs rgyas pa'i sangs rgyas thams cad mnyam pa dang mnyam ste/ mtshan mnyam pa/ yon tan mtshungs pa mnyam
286b₅ pa/ bsod nams kyi 'bras bu rnam par smin pa mnyam pa dag yin gyi/ rgyu gsum po rigs dang / sku tshe dang / sku lus kyis mnyam pa dag ni ma yin no/ /btsun pa bdag cag gis de bzhin gshegs pa las de bzhin gshegs pa dgra bcom pa yang dag par rdzogs pa'i sangs rgyas
286b₆ rnams kyi yab yum las byung ba'i stobs kyang thos lags/ bsod nams kyi stobs kyang thos lags/ shes rab kyi stobs kyang thos lags/ rdzu 'phrul gyi stobs kyang thos lags na/ btsun pa de bzhin gshegs pa dgra bcom pa yang dag par rdzogs pa'i sangs rgyas dag bsgom
286b₇ pa'i stobs ji lta bu dang ldan pa dag lags/ gnas 'jog gi rgyud dag khyed de bzhin gshegs pa las de bzhin gshegs pa dgra bcom pa yang dag par rdzogs pa'i sangs rgyas rnams kyi bsgom pa'i stobs nyan par 'dod dam/ btsun pa bcom ldan 'das mchog tu 'tshal

_{iiif viewer powered by OpenSeadragon}

286a - 287a

Texts on this page