rKTs

e-texts navigator

Volume

Page

286a₁ tu yang ba dang ldan par bgyid lags so/ /de la yang 'di skad ces bka' stsal to/ /maud gal gyi bu legs so legs so/ /maud gal gyi bu khyod kyis rdzu 'phrul de dang thabs des sa chen po ni bsgyur bar ni nus par gyur na sa chen po bsgyur bar de bzhin gshegs
286a₂ pa khyod la gnang ba mi mdzad do/ /maud gal gyi bu de ci'i phyir zhe na/ sems can gang phal cher kha zas kyi ro la chags shing / kha zas kyi ro la rmongs te/ kun du gti mug par 'gyur ro/ /maud gal gyi bu de ci'i phyir zhe na/ sa chen po'i steng na sa las byung ba'i ro'i khams gya nom
286a₃ pa de yang yun ring du mi gnas te/ ring po mi thogs par de sa chen po'i steng na thams cad kyi thams cad du nub par 'gyur ro/ /de'i phyir sems can dang / 'byung po dang / srog chags de dag kyang kha zas kyi ro la chags shing / kha zas kyi ro la rmongs te/ mchog tu myos par 'gyur
286a₄ ba'am/ srog chad nas shi ba'i dus byed par 'gyur te/ maud gal gyi bu de'i phyir sa chen po bsgyur bar de bzhin gshegs pa khyod la gnang bar mi mdzad do/ /gnas 'jog gi rgyud dag dge slong maud gal gyi bu ni rdzu 'phrul gyi stobs de lta bu dang ldan no/ /gnas 'jog gi rgyud dag 'di
286a₅ lta ste/ rnam par snang byed kyi nyi ma dag ni kun du 'gro ba na phyogs snang bar byed do/ /de srid du stong gi 'jig rten na zla ba stong dang / nyi ma stong dang / ri'i rgyal po ri rab stong dang / shar gyi lus 'phags stong dang / ba lang spyod stong dang / byang gi sgra mi snyan stong dang / 'dzam bu'i
286a₆ gling stong dang / rgyal chen bzhi'i ris kyi lha stong dang / sum cu rtsa gsum pa dag dang / 'thab bral dag dang / dga' ldan dag dang / 'phrul dga' dag dang / gzhan 'phrul dbang byed kyi lha stong dang / tshangs pa'i 'jig rten stong po 'di ni stong spyi phud kyi 'jig rten gyi khams zhes
286a₇ bya'o/ /stong spyi phud kyi 'jig rten gyi khams stong gang yin pa de ni stong gnyis pa bar ma'i 'jig rten gyi khams zhes bya'o/ /stong gnyis pa bar ma'i 'jig rten gyi khams phrag stong gang yin pa 'di ni stong gsum gyi stong chen po'i 'jig rten gyi khams zhes bya'o// //

_{iiif viewer powered by OpenSeadragon}

285b - 286b

Texts on this page