rKTs

e-texts navigator

Volume

Page

283b₁ tshad med dge dag dang / dge rgyas dag dang / sprin med dag dang / bsod nams skyes dag dang / 'bras bu che dag dang / mi che dag dang / mi gdung dag dang / gya nom snang dag dang / shin tu mthong dag dang / 'og min dag kyang de bzhin no/ /'og min gyi lha dag bye ba phrag 'bum gyi bsod
283b₂ nams gang yin pa de rang sangs rgyas bse ru lta bu gcig gi bsod nams dag tu nges par brtag par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /rang sangs rgyas bse
283b₃ ru lta bu dag bye ba phrag 'bum gyi bsod nams gang yin pa de byang chub sems dpa' byams pa gcig gi bsod nams dag tu nges par brtag par byas kyang / brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye
283b₄ bar mi 'gro'o/ /byang chub sems dpa' byams pa dag bye ba phrag 'bum gyi bsod nams gang yin pa de byang chub sems dpa' srid pa tha ma pa gcig gi bsod nams dag tu nges par brtag par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang /
283b₅ cha dang / bgrang ba dang / dpe dang / rgyur yang nye bar mi 'gro'o/ /byang chub sems dpa' srid pa tha ma pa dag gang gA'i klung gi bye ma dang mnyam pa snyed kyi bsod nams gang yin pa de de bzhin gshegs pa dgra bcom pa yang dag par rdzogs pa'i sangs rgyas gcig gi bsod nams dag tu
283b₆ nges par brtag par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas
283b₇ dag ni bsod nams kyi stobs de lta bu dang ldan pa dag yin zhing / gang dag 'das pa dang / gang dag ma byon pa dang / gang yang nga da ltar byung ba'i dus na de bzhin gshegs pa dgra bcom pa yang dag par rdzogs par sangs rgyas pa'i sangs rgyas thams cad mnyam pa dang mnyam ste/ mtshan

_{iiif viewer powered by OpenSeadragon}

283a - 284a

Texts on this page