rKTs

e-texts navigator

Volume

Page

281b₁ dag 'das pa dag dang / gang dag ma byon pa dag dang / gang yang nga da ltar byung ba'i dus na de bzhin gshegs pa dgra bcom pa yang dag par rdzogs pa'i sangs rgyas thams cad mnyam pa dang mnyam pa ste/ mtshan mnyam pa/ yon tan mtshungs pa mnyam pa/ /bsod nams kyi
281b₂ 'bras bu rnam par smin pa mnyam pa dag yin gyi/ rgyu gsum po rigs dang / sku tshe dang / sku lus mnyam pa dag ni ma yin no/ /btsun pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams kyi yab yum las byung ba'i stobs ni
281b₃ bdag cag gis thos lags na btsun pa de bzhin gshegs pa dgra bcom pa yang dag par rdzogs pa'i sangs rgyas dag bsod nams kyi stobs ji lta bu dang ldan pa dag lags/ gnas 'jog gi rgyud dag khyed de bzhin gshegs pa las de bzhin gshegs pa dgra bcom pa yang dag
281b₄ par rdzogs pa'i sangs rgyas rnams kyi bsod nams kyi stobs nyan par 'dod dam/ btsun pa bcom ldan 'das mchog tu 'tshal lags so/ /bde bar gshegs pa mchog tu 'tshal lags so/ /gnas 'jog gi rgyud dag de'i phyir khyed legs par rab tu nyon la yid la zung shig dang ngas
281b₅ bshad do/ /gnas 'jog gi rgyud dag 'dzam bu gling pa'i sems can rnams kyi bsod nams gang yin pa de gling gcig gi bdag po 'khor los sgyur ba'i bsod nams dag tu nges par brtag par byas kyang brgya'i char yang nye bar mi 'gro'o/ /stong gi cha dang / brgya stong gi cha dang / grangs
281b₆ dang / cha dang / bgrang ba dang / dpe dang / rgyur yang nye bar mi 'gro'o/ /gnas 'jog gi rgyud dag gling gnyis kyi sems can rnams kyi bsod nams gang yin pa de gling gnyis kyi bdag po 'khor los sgyur ba'i bsod nams dag tu nges par brtag par byas kyang brgya'i char yang nye
281b₇ bar mi 'gro'o/ /stong gi cha dang / brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /gnas 'jog gi rgyud dag gling gsum gyi sems can rnams kyi bsod nams gang yin pa de gling gsum gyi bdag po 'khor los sgyur ba'i bsod

_{iiif viewer powered by OpenSeadragon}

281a - 282a

Texts on this page