rKTs

e-texts navigator

Volume

Page

278b₁ tshogs shing yang dag par dga' bar bgyid la/ rtsod pa ma mchis shing rtse gcig ste blo gcig par gyur nas ku sha'i grong khyer thams cad ni cho ga bzhin du phyag dar dag bgyid/ chag chag legs par btab pa dang / byi dor legs par bgyi ba dag bgyis nas rgyan dang lhab lhub
278b₂ thams cad dang / bdug pa dang / phreng ba dang / me tog dang / spos dang / rol mo'i sgra gya nom pa dag gis brgyan par bgyid/ gdugs dang / rgyal mtshan dang / ba dan dag kyang 'dzugs par bgyid/ dus ston yang rab tu 'jog par bgyid/ bcom ldan 'das shul gang
278b₃ nas gshegs pa'i shul de yang cho ga bzhin du phyag dar dag bgyis pas gor ma chen po yangs pa de gnas ma lags pa na mchis shing / shul po che na gnas pa mthong lags so/ /de nas bdag cag 'di snyam du sems so/ /gang 'o na bdag cag gis rdo chen po yangs pa 'di phyogs
278b₄ 'di nas bteg ste phyogs gang yang rung bar gzhag go/ /de'i phyir bdag cag gis lam yang shin tu phyag dar bgyis par 'gyur la/ de bzhin gshegs pa dgra bcom pa yang dag par rdzogs pa'i sangs rgyas kyang mchod par 'gyur zhing / phyogs dang phyogs mtshams dag tu yang bdag
278b₅ cag gi dge ba rgya chen por grags pa dang / sgra dang / tshigs su bcad pa mngon du 'phags par 'gyur te/ gang dag gis rdo chen po yangs pa de phyogs 'di nas bteg ste/ phyogs cig shos su 'phangs pas kye ma ku sha'i grong khyer gyi gyad dpa' ba dag byung ngo / /kye ma ku sha'i
278b₆ grong khyer gyi gyad rtul phod pa yan lag mchog gi gzugs dang ldan pa/ ches stobs dang ldan pa dag byung bar gyur to zhes zer ro snyam nas de ltar rjes su rnam par bsams te/ dam bca' ba khas blang ba dag ni shes ldan dag ku sha'i grong khyer gyi gyad dag dang / gyad kyi bu gzhon nu
278b₇ dag nyon cig / bdag cag gis lam 'di phyag dar bya bar brtson no/ /rdo chen po yangs pa 'di ni gnas ma yin pa na 'dug cing rgyal po'i lam na gnas te/ gang 'o na bdag cag gis rdo chen po yangs pa 'di phyogs 'di nas bteg ste phyogs cig shos su gzhag par bya'o/ /de'i phyir

_{iiif viewer powered by OpenSeadragon}

278a - 279a

Texts on this page