rKTs

e-texts navigator

Volume

Page

278a₁ khyer gyi gyad phyogs gcig tu 'khod pa dag la 'di skad ces bka' stsal to/ /gzhon nu dag ci 'di ngal ba chen po mchog gis kyang brtsams sam/ ngal bar byed dam/ de skad ces bka' stsal pang dang / bcom ldan 'das la ku sha'i grong khyer gyi gyad rnams
278a₂ kyis 'di skad ces gsol to/ /btsun pa 'di la ku sha'i grong khyer gyi gyad bdag cag gis ni/ bcom ldan 'das gyad rnams kyi ljongs rgyu ba spyad nas sdig par gshegs te/ sdig pa'i srin bu pad pa'i nags khrod na zhugs so/ /de la sdig par skyes pa'i gyad rnams
278a₃ kyis ri mor bgyi ba mchog gis ri mor bgyis/ mchod pa'i mchog gis mchod/ bla ma la gus pa'i mchog gis kyang rim gror bgyis so/ /bcom ldan 'das kyis kyang de dag la chos kyi sbyin pa dam pa gya nom pa bla na med pas phan gdags par mdzad do/ /de la da bcom
278a₄ ldan 'das dge slong gi tshogs kyis yongs su bskor cing / dge slong gi dge 'dun gyis mdun du bdar te/ bdag gi grong gi zhing du ku sha'i grong khyer du gshegs so zhes thos lags te/ de skad thos nas kyang bdag cag 'di snyam du sems lags so/ /gang 'o na bdag
278a₅ cag gis kyang bcom ldan 'das de la ri mor bgyi ba dang / mchod par bgyi bas bdag la phan par bgyi ba'i slad du ku sha'i grong khyer thams cad cho ga bzhin du phyag dar dag bgyi/ chag chag legs par btab pa dang / byi dor legs par bgyi ba dag bgyis nas rgyan
278a₆ dang lhab lhub thams cad kyis brgyan par bgyi/ de nas dri dang / phreng ba dang / me tog dang / bdug pa dang / rol mo'i sgra gya nom pa dag gis brgyan par bgyi/ gdugs dang / rgyal mtshan dang / ba dan dag kyang gzugs par bgyi/ dus ston yang rab tu
278a₇ gzhag par bgyi/ shul gang nas bcom ldan 'das gshegs par brtson par mdzad pa'i gshegs shul de yang cho ga bzhin du phyag dar dag bgyi/ deng slan chad bdag cag thams cad kyis bsu ba bgyis 'ba' zhig na legs so snyam nas de nas bdag cag thams cad

_{iiif viewer powered by OpenSeadragon}

277b - 278b

Texts on this page