rKTs

e-texts navigator

Volume

Page

276b₁ spos dang / rol mo'i sgra gya nom pa dag gis brgyan par bya/ gdugs dang / rgyal mtshan dang / ba dan dag gzugs par bya/ dus ston dag tu gnas par bya/ bcom ldan 'das lam gang nas gshegs par brtson pa'i gshegs shul de yang cho ga bzhin du phyag dar
276b₂ dag bya'o/ /de phyin chad ni bdag cag thams cad kyis bsu ba byas 'ba' zhig na legs so snyam nas/ de nas de dag thams cad tshogs shing yang dag par dga' ste/ rtsod pa med cing rtse gcig la blo gcig pa dag tu byas nas ku sha'i grong khyer thams cad cho ga bzhin du phyag
276b₃ dar dag byed do/ /chag chag legs par btab pa dang / byi dor legs par byas pa dag byas nas/ rgyan dang lhab lhub thams cad dang / bdug pa dang / phreng ba dang / me tog dang / spos dang / rol mo'i sgra gya nom pa dag gis brgyan par byed/ gdugs dang / rgyal mtshan
276b₄ dang / ba dan dag 'dzugs par byed/ dus ston yang rab tu gnas par byed de/ gshegs shul gang nas bcom ldan 'das gshegs pa'i gshegs lam de yang cho ga bzhin du phyag dar dag byed do/ /yang de'i tshe ku sha'i grong khyer gyi bar dang / chu klung dbyig ldan
276b₅ gyi bar de gnyis kyi bar na rdo chen po yangs pa zhig gnas ma yin pa na 'dug ste/ lam po che na gnas pa na 'di lta ste/ gyen du ni 'dom bco lnga srid mngon du 'phags so/ /rgyar ni 'dom phyed dang brgyad do/ /de nas de dag 'di snyam du sems te/ gang 'o na bdag cag
276b₆ gis rdo chen po yangs pa 'di phyogs 'di nas bteg ste/ phyogs gcig tu gzhag par bya'o/ /de'i phyir bdag cag gis lam yang shin tu phyag dar byas par 'gyur la de bzhin gshegs pa dgra bcom pa yang dag par rdzogs pa'i sangs rgyas kyang mchod par 'gyur zhing /
276b₇ phyogs dang phyogs mtshams dag tu yang bdag cag gi dge ba rgya chen po grags pa dang / sgra dang / tshigs su bcad pas mngon par 'phags par 'gyur te/ gang dag gis rdo chen po yangs pa 'di phyogs 'di nas bteg nas phyogs gang yang rung ba zhig tu bzhag pas/ kye ma

_{iiif viewer powered by OpenSeadragon}

276a - 277a

Texts on this page