| e-texts navigator |
| བོད་ཡིག |
276a1 @##/ /rgya gar skad du/ Ar+ya shi la k+Ship+ta sU traM/ bod skad du/ 'phags pa rdo 'phangs pa'i mdo/ bam po dang po/ 'phags pa 'jam dpal gzhon nur gyur pa la phyag 'tshal lo/ /'di skad bdag gis thos pa dus gcig na/ bcom ldan 'das
276a2 gyad rnams kyi ljongs rgyu ba spyad nas sdig par gshegs te/ sdig pa'i srin bu pad pa'i nags khrod du bzhugs so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo ku sha'i grong khyer ga la bar tshur shog /btsun pa de
276a3 bzhin no zhes gsol nas tshe dang ldan pa kun dga' bo bcom ldan 'das kyi ltar nyan to/ /yang de'i tshe ku sha'i grong khyer gyi gyad rnams ni gyad lnga brgya tsam ste/ de la gyad re re yang gyad kyi 'khor brgya brgya dang ldan no/ /'dun sa cig shos su 'dus te 'khod pa de dag bar
276a4 gyi gtam yang dag par brjod pa 'di lta bu byung ste/ shes ldan dag bcom ldan 'das gyad rnams kyi ljongs su rgyu ba spyad nas sdig par gshegs te/ sdig pa'i srin bu pad pa'i nags khrod na bzhugs so/ /de la sdig par skyes pa'i gyad rnams kyis ri mor bya ba
276a5 mchog gis ri mor byas/ mchod par bya ba mchog gis mchod/ bla ma la gus pa mchog gis kyang bsnyen bkur byas so/ /bcom ldan 'das kyis kyang de dag la chos kyi sbyin pa dam pa gya nom pa bla na med pas phan gdags par mdzad do/ /de la da bcom ldan 'das
276a6 gnas pa ji lta bur gnas pas ring po mi thogs par dge slong gi tshogs kyis yongs su bskor cing dge slong gi dge 'dun gyis mdun du bdar te/ bdag cag gi grong gi zhing du ku sha'i grong khyer du gshegs so snyam mo/ /de la gang 'o na bdag cag gis kyang bcom ldan 'das de la ri
276a7 mor bya ba dang / mchod par bya bas bdag la phan par bya ba'i phyir ku sha'i grong khyer kun cho ga bzhin du phyag dar dag bya/ chag chag legs par btab pa dang / byi dor legs par bya ba dag byas nas rgyan dang lhab lhub thams cad dang / bdug pa dang / phreng ba dang / me tog dang /
iiif viewer powered by OpenSeadragon
Texts on this page
D295 - 'phags pa rdo 'phangs pa'i mdo