rKTs

e-texts navigator

Volume

Page

248b₁ shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar na sdug bsngal gyi phung po chen po 'ba' zhig po 'di 'gag par 'gyur ro/ /dge slong dag de ltar na 'du byed rnams ni sdug bsngal ba yin la/ mya ngan las 'das
248b₂ pa ni zhi ba yin te/ rgyu kun 'byung ba las sdug bsngal kun 'byung bar 'gyur la/ rgyu 'gags pa las sdug bsngal 'gag pa dang / lam gyi rgyun 'chad pa dang / mi 'byung ba dang / nying mtshams sbyor ba med cing 'gag par 'gyur te/ sdug bsngal gyi mtha' ni de lta bu kho na yin no/ /dge slong dag de la
248b₃ sdug bsngal gang yin pa de 'gag pa dang / de nye bar zhi ba dang / de bsil bar gyur pa dang / de nub par gyur pa ma gtogs par su zhig yongs su mya ngan las 'das te/ dge slong dag 'di lta ste/ phung po kun spangs pa/ sred pa zad pa/ 'dod chags dang bral ba/ 'gog pa mya ngan las
248b₄ 'das pa'i go 'phang 'di ni zhi ba yin no/ /de nas bcom ldan 'das kyis yang lan gnyis su yul ma ga d+hA'i rgyal po bzo sbyangs gzugs can snying po la bka' stsal pa/ rgyal po chen po ji snyam du sems/ gzugs rtag pa zhig gam/ mi rtag pa zhig yin snyam/ rgyal pos gsol pa/
248b₅ btsun pa de ni mi rtag pa lags so/ /bcom ldan 'das kyis bka' stsal pa/ rgyal po chen po gang mi rtag pa de sdug bsngal ba zhig gam/ sdug bsngal ba ma yin/ rgyal pos gsol pa/ btsun pa de ni sdug bsngal ba lags so/ /bcom ldan 'das kyis bka' stsal pa/ rgyal po
248b₆ chen po 'o na gang mi rtag pa dang / sdug bsngal ba dang / rnam par 'gyur ba'i chos can de la/ 'phags pa nyan thos thos pa dang ldan pa dag 'di ni bdag gi'o/ /'di ni bdag go/ /'di ni bdag gi bdag go zhes bdag tu khas len par byed dam/ rgyal pos gsol pa/ btsun pa mi bgyid
248b₇ lags so/ /bcom ldan 'das kyis bka' stsal pa/ rgyal po chen po de ji snyam du sems/ tshor ba dang / 'du shes dang / 'du byed rnams dang / rnam par shes pa rtag pa zhig gam/ mi rtag pa zhig yin snyam mam/ rgyal pos gsol pa/ btsun pa de ni mi rtag pa lags so/ /bcom

_{iiif viewer powered by OpenSeadragon}

248a - 249a

Texts on this page