rKTs

e-texts navigator

Volume

Page

247b₁ gang zhig yin snyam mo/ /de nas bcom ldan 'das kyis yul ma ga d+hA'i bram ze dang / khyim bdag rnams kyi sems thugs kyis mkhyen nas dge slong rnams la bka' stsal pa/ dge slong dag byis pa so so'i skye bo thos pa dang mi ldan pa ni bdag bdag ces bya bar tha snyad 'dogs pa'i
247b₂ rjes su lhung ste/ de la ni bdag gam bdag gir bya ba med do/ /dge slong dag sdug bsngal 'di skye ba ni skye la/ sdug bsngal 'gags pa ni 'gag go/ /'du byed rnams skye ba ni skye la/ 'du byed rnams 'gags pa ni 'gag ste/ rgyu de dag dang / rkyen de dag la brten nas sems
247b₃ can rnams kyi 'du byed kyi rgyun 'byung bar 'gyur te/ dge slong dag de bzhin gshegs pa ni 'du byed kyi rgyun nying mtshams sbyor bar thugs su chud nas sems can rnams kyi 'chi 'pho dang / skye ba 'dogs par mdzad do/ /dge slong dag ngas lha'i spyan rnam par dag pa mi'i las shin tu 'das
247b₄ pas sems can 'chi 'pho ba dag dang / skye ba dag dang / mdog bzang ba dag dang / mdog ngan pa dag dang / ngan pa dag dang / bzang po dag dang / bde 'gror 'gro ba dag dang / ngan 'gror 'gro ba dag kyang gzigs la/ sems can shes pa dang ldan pa 'di dag ni lus kyis
247b₅ nyes par spyod pa dang ldan pa/ ngag dang yid kyis nyes par spyod pa dang ldan pa/ 'phags pa rnams la skur pa 'debs pa/ log par lta ba dag ste/ log par lta ba'i las dang / chos yang dag par blangs pa'i rgyus lus zhig ste shi ba'i 'og tu rgyu de dang rkyen des ngan song ngan 'gro
247b₆ log par ltung ba sems can dmyal ba rnams kyi nang du skye bar 'gyur ba dang / sems can shes pa dang ldan pa 'di dag ni lus kyis legs par spyod pa dang ldan pa/ ngag dang yid kyis legs par spyod pa dang ldan pa/ 'phags pa rnams la skur pa mi 'debs pa/ yang dag par lta
247b₇ ba dag ste/ yang dag par lta ba'i las dang / chos yang dag par blangs pa'i rgyus lus zhig ste shi ba'i 'og tu rgyu de dang / rkyen des bde 'gro mtho ris kyi 'jig rten du lha rnams kyi nang du skye bar 'gyur ro zhes sems can rnams las ji lta ba bzhin du nye bar 'gro ba dag kyang yang dag pa

_{iiif viewer powered by OpenSeadragon}

247a - 248a

Texts on this page