rKTs

e-texts navigator

Volume

Page

247a₁ rnam par shes pa de yongs su shes pa yin no/ /rgyal po chen po gzugs yongs su shes pa'i rigs kyi bu ni bdag dang bdag gi zhes khas len par mi byed/ nye bar len par mi byed/ lhag pa'i chags par mi byed/ mngon par zhen par mi byed do/ /rgyal
247a₂ po chen po tshor ba dang / 'du shes dang / 'du byed rnams dang / rnam par shes pa yongs su shes pa'i rigs kyi bu ni bdag dang bdag gi zhes khas len par mi byed/ nye bar len par mi byed/ lhag par gnas par mi byed/ mngon par zhen par mi byed do/ /rgyal po chen po gzugs
247a₃ bdag gir mi byed/ khas len par mi byed/ nye bar len par mi byed/ lhag par gnas par mi byed/ mngon par zhen par mi byed pa'i rigs kyi bu ni tshad med pa dang / grangs med pa yin te/ mya ngan las 'das pa yin par nga smra'o/ /rgyal po chen po tshor ba dang / 'du shes dang /
247a₄ 'du byed rnams dang / rnam par shes pa bdag gir mi byed/ khas len par mi byed/ nye bar len par mi byed/ lhag par gnas par mi byed/ mngon par zhen par mi byed pa'i rigs kyi bu ni tshad med pa dang / grangs med pa yin te/ mya ngan las 'das pa yin par nga smra'o/ /de nas
247a₅ yul ma ga d+hA'i bram ze dang / khyim bdag rnams 'di snyam du sems te/ gal te gzugs bdag ma yin zhing tshor ba dang / 'du shes dang / 'du byed rnams dang / rnam par shes pa yang bdag ma yin na/ 'o na ci gang nam yang byung bar ma gyur pa dang / 'byung bar mi 'gyur ba
247a₆ dang / da ltar yang med pa yang ma yin zhing / gang de dang de dag tu dge ba dang / sdig pa'i las byas shing / byas pa dag gi rnam par smin pa so sor myong bar byed pa dang / gang phung po 'di 'dor zhing phung po gzhan dang nying mtshams sbyor bar 'gyur ba'i bdag gam/ sems can nam/
247a₇ srog gam/ skye ba'am/ gso ba'am/ gang zag gam/ shed las skyes sam/ shed bu'am/ byed pa po'am/ byed du 'jug pa po'am/ skyed pa po'am/ kun nas skyed pa po'am/ slong ba po'am/ kun nas slong ba po'am/ smra ba po'am/ myong ba po'am/ so sor myong ba po de

_{iiif viewer powered by OpenSeadragon}

246b - 247b

Texts on this page