rKTs

e-texts navigator

Volume

Page

245a₁ kho nas kun dga' ra bar zhugs nas/ yul ma ga d+hA'i rgyal po bzo sbyangs gzugs can snying pos bar skabs gang nas bcom ldan 'das mthong ba'i bar skabs der/ rgyal po'i chos kyi mtshan ma lnga po cod pan dang / gdugs dang / ral gri dang / rnga yab
245a₂ nor bu can dang / lham khra bo dag phud de bzhag go/ /de nas yul ma ga d+hA'i rgyal po bzo sbyangs gzugs can snying pos rgyal po'i chos kyi mtshan ma lnga po dag phud de bzhag nas/ bcom ldan 'das ga la ba der song ste phyin pa dang / bla gos phrag pa gcig tu gzar te/ pus mo g.yas
245a₃ pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ btsun pa bdag ni yul ma ga d+hA'i rgyal po bzo sbyangs gzugs can snying po lags so/ /btsun pa bdag ni yul ma ga d+hA'i rgyal po bzo sbyangs gzugs can snying po lags so/ /rgyal
245a₄ po lags so zhes lan gsum gyi bar du rang gi ming rjes su sgrogs so/ /bcom ldan 'das kyis bka' stsal pa/ rgyal po chen po de de bzhin no/ /de de bzhin te/ rgyal po chen po khyod ni yul ma ga d+hA'i rgyal po bzo sbyangs gzugs can snying po yin no/ /rgyal po chen po khyod
245a₅ ni yul ma ga d+hA'i rgyal po bzo sbyangs gzugs can snying po yin no/ /rgyal po yin no/ /rgyal po chen po khyod rang gi stan gang yin pa la 'dug shig /de nas yul ma ga d+hA'i rgyal po bzo sbyangs gzugs can snying pos bcom ldan 'das kyi zhabs la mgo bos phyag 'tshal te/ phyogs
245a₆ gcig tu 'dug go/ /yul ma ga d+hA'i bram ze dang / khyim bdag kha cig gis ni bcom ldan 'das kyi zhabs la mgo bos phyag 'tshal te phyogs gcig tu 'khod do/ /kha cig gis ni bcom ldan 'das la mngon sum du phan tshun kun dga' bar 'gyur ba dang / yang dag par dga'
245a₇ bar 'gyur ba'i gtam sna tshogs dag gsol te phyogs gcig tu 'khod do/ /kha cig gis ni bcom ldan 'das ga la ba de logs su thal mo sbyar ba btud de phyogs gcig tu 'khod do/ /kha cig gis ni rgyang ring po kho na nas bcom ldan 'das mthong nas cang mi smra bar phyogs

_{iiif viewer powered by OpenSeadragon}

244b - 245b

Texts on this page