| e-texts navigator |
| བོད་ཡིག |
227a1 med pa dang / gser la sogs pa'i lcags ri lngas bskor ba dang / shuk+ti'i gnas dang / bu mo'i shing gis bskor ba dang / de dag rnams ni skyes bu rkang pa dang ldan pa rnams kyi ste/ ji ltar khyad par du gyur pa'i gling de dag rnams kyis 'dzam bu'i
227a2 gling yongs su bskor ba yin zhing / dpag tshad bdun stong du dga' bar gyur pa dang / ri rnams ni sngar gyi bzhin no/ /gzhan yang rnal 'byor spyod pa pa phyi rol gyi lus kyis lus la rjes su lta zhing gnas te/ nyi ma dang zla ba 'di dag gi 'od kyi tshad ji tsam cig yin
227a3 zhe na/ des thos pa las byung ba'i shes rab kyis sam lha'i mig gis mthong bar gyur pa/ ri rab lhun po dang skyes bu'i gnas bzhi'i logs bzhi dang / skyes bu'i gnas bzhi po dang / de dag rnams nyi ma dang zla ba 'di dag gis rab tu gsal bar byed do/ /rgya mtsho
227a4 yang ri de'i logs de nas dpag tshad stong phrag brgyad cu rtsa bzhi yin pa las de'i phyed ni rab tu gsal bar byed do/ /phyed ni mchog tu 'jigs par gyur pa'i mun pas kun tu khyab par gyur to/ /pha rol na ni khor yug tu bye ba phrag sum cu rtsa drug tu gyur pa'i shin tu
227a5 bzod par dka' ba'i las kyi me'i rdo rje'i rang bzhin rab tu 'bar bar gyur pa 'khor lo khyud mo zhes bya ba'i ri yod pa gang la rgya mtsho'i chu ring bar gyur na ni 'o mar 'gyur ro/ /de ji srid du nye bar gyur pas ni de de dag zhor 'gyur ro/ /zho yang mar sar nyid du 'gyur ro/ /ji
227a6 srid du kun nas reg par gyur pas ni mar 'di yang zhu ba'i mar du 'gyur ro/ /mar zhu ba de dag dmyal ba'i me de dag rnams kyis 'tshig par byed do/ /de bzhin du chus kyang sa gzhi 'di nub par byed do/ /de kho na bzhin du 'dod pa'i khams 'di yang yin te/ rnal 'byor spyod
227a7 pa pa 'dis yang dag pa ji lta ba bzhin du rig par 'gyur ro/ /rnal 'byor spyod pa pa des yang dag pa ji lta ba bzhin du shes shing mthong la yongs su chub par byed pa'i blos kyang gang zhig rtag pa'am/ brtan pa'am/ ther zug tu gyur pa'am/ yongs su mi 'gyur ba'i chos
iiif viewer powered by OpenSeadragon
Texts on this page
D287 - 'phags pa dam pa'i chos dran pa nye bar gzhag pa