rKTs

e-texts navigator

Volume

Page

226b₁ pa ste/ chu klung de thams cad kyang nyas gang ba dang mchog tu zab pa yin no/ /de las 'das par gyur nas rin po che'i gling zhes bya ba'i rgya mtsho dpag tshad sum stong pa yod de/ ri dang rin po che dang ldan pa gser gyi bye ma dang / rdo dang / Sha sh+yA ka dang / mu sa ra galba'i rdo
226b₂ dang / mu tig gi phye ma dang / bi dru ma'i ljon shing dang / su ku ma ri ka mang ba dang / rin po che du ma ldan pa yin no/ /de la mngar ba'i dug sems 'phen par byed pa zhes bya ba ljon shing las skyes pa'i 'bras bu de dag bya'am mi yang rung ste/ 'dzam bu'i gling
226b₃ par gtogs pa rnams kyis gang gi tshe zos par gyur pa'i nyi ma bdun pa la 'chi bar byed do/ /bya gang dag gis za bar byed pa de dag rnams kyang dus byed do/ /rin po che'i gling de las 'das par gyur nas lan tshwa zhes bya ba'i rgya mtsho dpag tshad stong phrag bdun du nya
226b₄ chen po dang / shu ka ti dang / rus sbal dang / na kra dang / chu srin dang / klu dang / bya rnams kyis gang bar gyur pa'i srin po dang sha za rnams kyis brel dog tu gyur pa/ chu'i nang na skyes pa'i bi dru ma dkar po dang / chu'i nang na nub par gyur pa'i ri yin no/ /'dzam
226b₅ bu'i gling gi 'khor du gyur pa'i gling lnga brgyas yongs su bskor ba yin no/ /'dzam bu'i gling na yod pa'i gtso bor gyur pa rnams dper bya na 'di lta ste/ gser gyi sa gzhi dang ldan pa dang / rin po che'i rdo ba dang ldan pa dang / ke ta ka dang / mA li ka gling dang / dung
226b₆ dang / mu tig dang / me ka la 'byung ba dang / gshol mda' ba dang / dka' thub dang 'brel ba dang / kun tu bzang po'i nags rnams dang / rma bya'i nags dang / dri'i phreng ba dang / rwa gsum pa dang / sde dpung bzang po dang / spA nA she tu dang / lang ka'i grong
226b₇ khyer na nges par gnas pa'i srin po dang / ri bcu gnyis la nges par gnas pa'i dang / lhun po'i bi lwakaHdang / ril nges par gnas pa dang / dung dang / mu tig dmar po dang / kha ba 'khor ba dang / dngul dang bcas pa'i bye mas yongs su bskor ba dang / lam

_{iiif viewer powered by OpenSeadragon}

226a - 227a

Texts on this page