rKTs

e-texts navigator

Volume

Page

226a₁ 'char ba'i rtse mo rnams la kun tu bltas par gyur pas kyang yang dag pa ji lta ba bzhin du phyi rol la lta bar byed do/ /gzhan yang rnal 'byor spyod pa pa phyi rol gyi lus kyis lus la rjes su lta zhing gnas te/ rgyu skar mang po'i rgya mtsho dpag tshad
226a₂ bdun stong pa de las 'das par gyur nas b+ha ra ta lhag par gnas pa zhes bya ba'i gling yod de/ brag dang / chu klung dang / ljon shing rnams phun sum tshogs pa yin no/ /'dzam bu'i gling gi ljon shing dang / me tog dang / 'bras bu thams cad kyang ste/
226a₃ dpag tshad ni sum stong yin no/ /rig pa 'dzin pa dang gsang ba pa lhag par gnas pa yin te/ de ni 'dod pa'i rang bzhin gyi ljon shing dang / me tog dang / 'bras bu rnams phun sum tshogs pa yin no/ /de las ring du 'das nas mtshams kyi mtha'i
226a₄ ri zhes bya ba ste/ shar gyi lus 'phags po dang / 'dzam bu'i gling pa rnams thams cad kyi yang mtshams su gyur pa yin no/ /rgya mtsho 'di yang chu bsil ba yin no/ /shar gyi lus 'phags po dang / 'dzam bu'i gling dag gi bar dpag tshad sum stong du dung dang /
226a₅ nya chen po dang / chu srin na kra dang / chu srin ma ka ra dang / rus sbal dang / chu srin byis pa gsod dang / chu srin kum+b+hi ra dang / nya rnams rab tu gnas so/ /mtshams kyi ri de las 'das par gyur nas dmar po zhes bya ba'i rgya mtsho yod de/ 'dzam bu'i gling gi
226a₆ ngos gzhan zhig na dpag tshad lnga stong du dmar po'i mdog gis kun tu gang bar snang ba 'dzam bu'i gling las ha cang mi ring ba na yod do/ /de la yang nya shin tu mang ba yin no/ /khrag rab tu phal che ba yin no/ /phan tshun du yang 'tsho bar gyur pa'i srog gcod par byed do/ /
226a₇ bdag nyid kyang za bar byed do/ /khrag rab tu phal che ba de'i phyir na chu de yang dmar po yin no/ /dmar por kun tu snang ba'i phyir yang rgya mtsho 'di la dmar po'i tha snyad du 'byung ba yin no/ /de las ring du 'das nas sngon po zhes bya ba'i rgya mtsho dpag tshad bdun stong dang ldan

_{iiif viewer powered by OpenSeadragon}

225b - 226b

Texts on this page