| e-texts navigator |
| བོད་ཡིག |
225a1 no/ /khyad par du 'phags pa'i rnams ni khyad du 'phags pa'i las rnams kun tu bgrod par 'gyur ba yin te/ theg pa chen po nyan par byed pa dang / yongs su rdzogs par byed pa dang / rjes su yi rang bar byed pa dag gis yin no/ /theg pa chen po nyan
225a2 par byed pa dang / ston par byed pa dang / rjes su yi rang bar byed pa dang / yongs su rdzogs par byed pa ma gtogs pa'i 'khor ba'i dgon pa nas nges par 'byung bar byed pa gcig kyang ngas ma mthong ngo / /sbyin pa rnams kyi mchog ni 'di yin no/ /'di lta ste/ theg
225a3 pa chen po sgrogs par byed pa'i sbyin pa'o/ /shes rab rnams kyi mchog kyang 'di yin te/ 'di ltar theg pa chen po nyan par byed pa'i shes rab bo/ /theg pa chen po sgrogs pa'i yon tan brjod pa rnams ni sngar gyi bzhin no/ /des shar gyi lus 'phags po'i gling gi sems
225a4 can rnams kyi las dang chos dang rnam par smin pa rnams mthong bar gyur nas yang dag pa ji lta ba bzhin du phyi rol gyi lus kyis lus la rjes su lta ste/ shar gyi lus 'phags po'i gling gi bar rnams ni ri'i rigs sam/ chu klung gi rigs gzhan ci yod ce na/ des thos
225a5 pa las byung ba'i shes rab kyis sam/ lha'i mig gis mthong bar gyur pa shar phyogs lus 'phags po'i gling dpag tshad stong phrag brgyad pa'i bar las ring du 'das nas/ lcags kyi phung po zhes bya ba'i ri dpag tshad sum stong pa yod pa gang las shin tu phra bar gyur
225a6 pa'i lcags kyi phye ma rnams ni dpag tshad stong phrag bcur 'thul ba yin no/ /lcags kyi phung po'i ri de las 'das par gyur nas khor yug gi rnam pa zhes bya ba'i rgya mtsho dpag tshad bdun stong pa yod de/ khor yug gi rnam par byas pa nyid kyi ri lngas yongs su bskor
225a7 ba yin no/ /'di lta ste/ khab kyi kha dang / lto chen po dang / b+hAN+Da nA dang / sbrul dang / bla lhag pa dang rnams so/ /khor yug gi rnam pa'i rgya mtsho de las 'das par gyur nas/ khams rnams dang ldan pa zhes bya ba'i gling dpag tshad sum stong pa yod
iiif viewer powered by OpenSeadragon
Texts on this page
D287 - 'phags pa dam pa'i chos dran pa nye bar gzhag pa