| e-texts navigator |
| བོད་ཡིག |
7b1 te/ thal mo sbyar nas bcom ldan 'das kyi spyan sngar 'dug go/ /de nas bcom ldan 'das la shAkya gzhon nu bzhin rab gsal gyis 'di skad ces gsol to/ /bcom ldan 'das 'di na bdag gi pha ma gnyis gnyid log pa dang ma log pa dag la mi ma lags pa
7b2 rnams rnam par 'tshe bar bgyid la/ bcom ldan 'das bdag kyang gang gi tshe ljongs kyi phyogs gzhan du mchi ba'i tshe/ bdag la yang chom rkun pa dag rnam par 'tshe bar bgyid cing / gcan gzan dag kyang rnam par 'tshe bar bgyid na/ de'i slad du bcom ldan
7b3 'das de bzhin gshegs pa dgra bcom pa yang dag par rdzogs pa'i sangs rgyas kyis bdag la thugs brtse ba'i slad du ci nas kyang bdag la mi'am/ mi ma lags pa dang / dud 'gro'i skye gnas su gtogs pa 'ga' yang rnam par 'tshe bar mi bgyid pa de ltar bdag la
7b4 legs par bsrung ba mdzad du gsol/ bsrung ba'i cho ga yang bshad du gsol/ de skad ces gsol pa dang / bcom ldan 'das kyis shAkya gzhon nu bzhin rab gsal la 'di skad ces bka' stsal to/ /gzhon nu de'i phyir legs par rab tu nyon la yid la zung
7b5 shig dang ngas khyod la bshad do/ /bcom ldan 'das de ltar 'tshal lo zhes gsol nas/ shAkya gzhon nu bzhin rab gsal bcom ldan 'das la nyan pa dang / bcom ldan 'das kyis de la 'di skad ces bka' stsal to/ /gzhon nu shar phyogs logs su sangs
7b6 rgyas kyi zhing 'di nas sangs rgyas kyi zhing brgyad khri 'das pa na 'jig rten gyi khams nyon mongs pa thams cad bskyod pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas rjes spyod ces bya ba da ltar bzhugs te 'tsho zhing
7b7 gzhes so/ /gzhon nu khyod gang gi tshe bya ba 'ga' zhig gi phyir shar phyogs su 'gro na/ de'i tshe khyod kyis de bzhin gshegs pa de la phyag 'tshal te dran par byas shing mdun du byas te/ sems kyi rgyun gyis de mngon du byed cing song na khyod la 'jigs pa 'byung bar
iiif viewer powered by OpenSeadragon
Texts on this page
D269 - 'phags pa phyogs bcu'i mun pa rnam par sel ba zhes bya ba theg pa chen po'i mdo