rKTs

e-texts navigator

Volume

Page

60b₁ dbye ba snyed du lhag par mos so/ /lce'i rtse mo'i dkyil 'khor re re la yang nges pa'i tshig gi sgrar brtags pa'i tha snyad yang dag par rdzogs pa'i sangs rgyas kyis bka' stsal pa/ 'gro ba thams cad kyi tshig gi spyod pa dang mnyam pas sgrib pa ma mchis pa'i dkyil 'khor dang 'thun
60b₂ par gyur nas lhag pa'i bsam pa nyon mongs pa'i ri chen po rnam par 'thor ba las byung ba'i sgrib par 'gyur ba'i las de dag 'chags so/ /mi 'chab bo/ /'jig rten gyi khams thams cad du 'tshal bar 'gyur ba'i bshags pas 'chags so/ /bsal lo/ /rnam
60b₃ par gzhig go/ /rab tu gzhom mo/ /spang ngo / /gdon to/ /las la dbang bas dbang bgyi'o/ /stobs bskyed pa brnyes pa rnams kyi bde ba nye bar bstan pa'i slad du yongs su bsngo'o/ /gong du yang byang chub sems dpa' de bzhin gshegs pa thams cad
60b₄ mnyes par bgyid par 'tshal ba/ byang chub sems dpa'i spyod pa thams cad yongs su sbyong bar 'tshal ba/ byang chub sems dpa' rnam par gzhag pa thams cad las yang dag par 'da' bar 'tshal ba/ byang chub sems dpa'i smon lam thams cad yongs su rdzogs par
60b₅ bgyid par 'tshal ba/ byang chub sems dpa'i gter thams cad thob par 'tshal ba/ de bzhin gshegs pa thams cad kyi bstan pa yang dag par 'dzin par 'tshal ba/ pha rol tu phyin pa thams cad yongs su rdzogs par bgyid par 'tshal ba/ sems can thams cad
60b₆ yongs su smin par bgyid par 'tshal ba/ 'jig rten gyi khams yongs su dag pa thams cad rtogs par 'tshal ba/ byang chub sems dpa' kun du bzang po'i spyod pa'i smon lam yongs su rdzogs par bgyi ba rtogs par 'tshal ba rnams kyis ji ltar sangs rgyas bcom ldan 'das
60b₇ bdag gis sangs rgyas kyi mkhyen pa chags pa mi mnga' zhing sgrib pa mi mnga' bas mkhyen cing rab tu mkhyen pa de lta bus sgrib par 'gyur ba'i las bshags par bgyi ba de bzhin du ci nas kyang bdag gis bshags pas legs par bshags par 'gyur ba dang / yongs su dag par 'gyur

_{iiif viewer powered by OpenSeadragon}

60a - 61a

Texts on this page