| e-texts navigator |
| བོད་ཡིག |
5b1 bag chags ma lus kun byang nas/ /bsod nams ye shes tshogs gnyis yongs rdzogs te/ /'gro ba ma lus byin gyis bsgral ba'i phyir/ /bdag nyid myur du mngon par sangs rgyas shog /dpang skong phyag brgya pa rdzogs so// //bod du dam pa'i chos
5b2 'byung ba'i snga ltas su lha tho tho ri snyan shal gyi sku ring la pho brang yum bu bla mkhar du nam mkha' las babs mi rabs lnga na 'di'i don shes pa 'ong zhes rmi lam du lung bstan te chos kyi dbu brnyes so/ / //
5b3 @##/ /rgya gar skad du/ Ar+ya a tsin t+ya rA dza sU tra nA ma ma hA yA na sU tra/ bod skad du/ 'phags pa bsam gyis mi khyab pa'i rgyal po'i mdo zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /
5b4 'di skad bdag gis thos pa dus gcig na/ bcom ldan 'das yul ma ga d+hA na chos kyi dbye dgon pa na/ byang chub kyi snying po na seng ge'i khri rdo rje dang nor bu rin po ches spras pa'i pad ma'i snying po'i gdan la bzhugs te/ byang chub sems dpa' chen po'i dge 'dun phyogs
5b5 bcu'i sangs rgyas kyi zhing brjod du med pa'i yang brjod du med pa bye ba khrag khrig phrag 'bum gyi rdul phra rab snyed kyi byang chub sems dpa' sems dpa' chen po rnams dang thabs cig tu bzhugs so/ /de nas byang chub sems dpa' sems dpa' chen po bsam gyis mi khyab
5b6 pa'i rgyal po zhes bya bas/ byang chub sems dpa' sems dpa' chen po de dag la smras pa/ kye rgyal ba'i sras dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i sangs rgyas kyi zhing mi mjed kyi 'jig rten
5b7 gyi khams 'di'i bskal pa gcig gang yin pa de ni de bzhin gshegs pa dgra bcom pa yang dag par rdzogs pa'i sangs rgyas tshe dpag med kyi sangs rgyas kyi zhing bde ba can gyi 'jig rten gyi khams kyi nyin zhag gcig go/ /kye rgyal ba'i sras dag de bzhin gshegs pa dgra
iiif viewer powered by OpenSeadragon
Texts on this page
D267 - dpang skong phyag brgya pa zhes bya ba
D268 - 'phags pa bsam gyis mi khyab pa'i rgyal po'i mdo zhes bya ba'i mdo