| e-texts navigator |
| བོད་ཡིག |
11b1 tshul gyis shin tu rnam par dag pa nyid du 'gyur ro/ /shA ri'i bu khyod kyis srog chags stong tshang ba 'di mthong ngam/ shA ri'i bu 'di dag thams cad ni sangs rgyas rnams kyi mtshan bzung ba'i dge ba'i rtsa ba 'dis re res kyang 'khor los sgyur ba'i rgyal srid gang gA'i
11b2 klung gi bye ma snyed dag byed du bcug nas srid pa tha ma dang / lus tha ma la byang chub kyi tshogs thams cad rdzogs par byas te/ bskal pa gcig la de bzhin gshegs pa dgra bcom pa yang dag par rdzogs pa'i sangs rgyas spyan dag pas brgyan pa zhes bya bar mtshan 'thun pa
11b3 sha stag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /bcom ldan 'das kyis rigs kyi bu de rnams lung bstan pa bshad pa 'di bka' stsal ma thag tu stong gsum gyi stong chen po'i 'jig rten gyi khams 'di rnam pa drug tu
11b4 g.yos par gyur te/ 'gul rab tu 'gul/ kun tu rab tu 'gul/ g.yos rab tu g.yos/ kun tu rab tu g.yos/ 'ur 'ur rab tu 'ur 'ur/ kun tu rab tu 'ur 'ur/ ldeg rab tu ldeg /kun tu rab tu ldeg /chem chem rab tu chem chem/ kun tu
11b5 rab tu chem chem/ 'khrugs rab tu 'khrugs/ kun tu rab tu 'khrugs so/ /sa bla'i lha rnams kyis kyang kye ma grogs po dag 'di ltar rigs kyi bu 'di rnams kyis de bzhin gshegs pa'i mtshan bzung ba tsam gyis bla na med pa yang dag par rdzogs pa'i byang chub yongs su
11b6 bzung zhing chos thams cad ji lta ba bzhin du mkhyen pas don thams cad thugs su chud pa'i de bzhin gshegs par 'gyur ba ni ngo mtshar che ste/ su zhig sangs rgyas la dad par mi 'gyur zhes sgra bsgrags so/ /rgyal chen bzhi'i ris kyi lha rnams dang / sum cu rtsa gsum
11b7 pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed kyi bdud kyi ris rnams dang / tshangs ris rnams dang / tshangs pa'i mdun na 'don rnams dang / tshangs pa chen po rnams nas 'og
iiif viewer powered by OpenSeadragon
Texts on this page
D269 - 'phags pa phyogs bcu'i mun pa rnam par sel ba zhes bya ba theg pa chen po'i mdo