| e-texts navigator |
| བོད་ཡིག |
10a1 pa/ tsher ma dang / gseg ma dang / gyo mo med pa/ snyigs ma lnga med pa yin no/ /gzhon nu khyod gang gi tshe bya ba 'ga' zhig gi phyir nub byang gi phyogs su 'gro na tshangs par spyod pa yang dag par blangs nas phyis khyim nas rnam par ma g.yengs pa'i
10a2 yid la byed pas song shig dang / gzhon nu khyod bya ba gang gi phyir 'gro ba'i bya ba de 'grub par 'gyur zhing khyod la 'jigs pa gang nas kyang 'byung bar mi 'gyur ro/ /de nas bcom ldan 'das kyis de'i tshe tshigs su bcad pa 'di bka' stsal to/ /tshangs spyod yang dag
10a3 blangs byas te/ /phyi nas khyim nas song shig dang / /khyod ni gang dang gar 'gro yang / /chom rkun rnams kyis zil mi non/ /gzhon nu steng gi phyogs logs su sangs rgyas kyi zhing 'di nas sangs rgyas kyi zhing gang gA'i klung drug cu'i bye ma snyed 'das pa na 'jig rten
10a4 gyi khams dmigs pa med pa yid la byed pa can zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas skrag med mun bral ting nge 'dzin mngon 'phags rgyal po zhes bya ba da ltar bzhugs te 'tsho zhing gzhes so/ /gzhon nu
10a5 khyod kyis de bzhin gshegs pa de la phyag 'tshal te dran par byas shing mdun du byas te 'dug kyang rung / 'greng yang rung / sems can thams cad la byams pas khyab par byas nas rdzogs par byas shing gnas na khyod la 'jigs pa gang nas kyang 'byung bar mi 'gyur ro/ /
10a6 de nas bcom ldan 'das kyis de'i tshe tshigs su bcad pa 'di bka' stsal to/ /khyod kyis ma g.yengs yid byed kyis/ /rtag tu rgyal ba de dran zhing / /rtag tu byams pa'i sems byos dang / /khyod la 'jigs pa 'byung mi 'gyur/ /gzhon nu 'og gi phyogs logs
10a7 su sangs rgyas kyi zhing 'di nas sangs rgyas kyi zhing dgu khri nyis stong 'das pa na 'jig rten gyi khams yon tan thams cad kyis brgyan pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas dang po sems bskyed the
iiif viewer powered by OpenSeadragon
Texts on this page
D269 - 'phags pa phyogs bcu'i mun pa rnam par sel ba zhes bya ba theg pa chen po'i mdo