| e-texts navigator |
| བོད་ཡིག |
90a1 bskal pa brgya'i bar du sems can dmyal bar song yang sla'i/ sangs rgyas kyi tshul khrims la tshig gcig ngan du zer ba'i skad ni mi thos par smon to/ /bdag nyid kyis tshul khrims bshig pa gzhan la lan lon pa dang / zhar gyis zhar gyis tshul khrims bshig par bstan
90a2 pa lta smos kyang ci dgos te/ sri zhu dang mi 'gal ba'i sems med do/ /de lta bu byas na ltung ba'o/ /tshul khrims 'di dgu bslabs la sems gus par gzungs su zung shig /sangs rgyas kyi bu rnams tshul khrims yang ba bzhi bcu rtsa brgyad khyed la sogs pas rtag par gzungs
90a3 su zung shig / sngar 'das pa'i sangs rgyas dang byang chub sems dpa' rnams ni kha ton zin to/ /da ltar gyi sangs rgyas dang byang chub sems dpa' rnams kyis ni da ltar kha ton byas so/ /sangs rgyas dang byang chub sems dpa' phyis 'ong ba'i rnams ni da de'i khar kha ton byed do/ /sangs
90a4 rgyas kyi bu nyon cig / phas pham pa bcu dang / ltung ba bzhi bcu rtsa brgyad cig 'das pa'i sangs rgyas kyis kha ton zin/ da ltar gyi kha ton byas phyis kyang kha ton byed de/ nga'ang de bzhin da ltar kha ton byed do/ /de lta bas na khyed la sogs pas sems can phal mang po rgyal po dang rgyal bu dang /
90a5 blon po dang / dge slong dang dge slong ma dang dge bsnyen dang dge bsnyen mas byang chub sems dpa'i tshul khrims nos na 'grus par kha ton klogs la bkrol bshad de/ yi ger bris la sangs rgyas kyi rang bzhin gyis skal ba rtag par 'dug ste/ khrims kyi glegs bam dus gsum
90a6 gyi bar du tshul bzhin 'bab cing thogs pa med par byas te/ sems can thams cad bstan cing bslab pa'i rgyun mi gcod cing / sangs rgyas mthong la sangs rgyas gcig gis gcig la gtad de/ tshe rabs tshe rabs su yang ngan song dang / bgegs brgyad kyi nang du yang mi ltung
90a7 zhing / rtag par mi'i lam dang / gnam gyi steng du skye'o/ /ngas da ltar shing 'di'i drung du 'dug ste/ sangs rgyas rabs bdun gyi chos kyi khrims mdo tsam zhig phye ba khyed la sogs pa snying gcig tu brtul te/ so sor thar pa la bslabs la dga' zhing / gus par gyis shig /
iiif viewer powered by OpenSeadragon
Texts on this page
D256 - chos kyi rgya mo sangs rgyas rnam par snang mdzad kyis byang chub sems dpa'i sems kyi gnas bshad pa le'u bcu