rKTs

e-texts navigator

Volume

Page

87a₁ pa'i tshe bgegs yod cing mi bde ba'i nang du ma 'gro cig / yul gyi bgegs dang / rgyal po mi srun pa dang / sa mtho dma' dang / rtsi shing zab mo dang / dbyar seng ge dang / stag dang / spyang ki dang / chu ste rlung gi bgegs dang / rkun po chom po dang / sbrul
87a₂ gdug pa'i lam la sogs te/ bgegs yod do cog thams cad du sbyangs pa'i yon tan pa 'gror mi rung ngo / /de la ched kar song na ni ltung ba'o/ /sangs rgyas kyi bu chos 'di bzhin du rim pas 'khod cig /tshul khrims sngar nos pa ni sngar 'dug shig /tshul khrims
87a₃ phyis nod pa ni phyi nas 'dug shig / rgan gzhon mi lta/ dge slong pho dang / dge slong mo dang / ya rabs dang / btsun pa dang / rgyal po rgyal bu dang / nyung rum dang / bran pho smos la sogs pa tshul khrims sngar nos pa ni sngar 'dug shig /phyis nos pa ni phyis
87a₄ bzhin du 'dug shig / mur 'dug ngan pa dang / mi glen po bzhin du rgan yang rung / gzhon yang rung / snga med phyi med pa'i med pa ni g.yung po bran gyi chos so/ /nga sangs rgyas kyi chos kyi nang na ni snga ma ni steng du 'dug /phyi ma ni 'og tu 'dug go/ /
87a₅ byang chub sems dpa' ni chos bzhin du ma 'khod na ltung ba'o/ /sangs rgyas kyi bu rtag par sems can no cog bstan cing bcos te/ dge 'dun gyi khang khyim byed cing ri dang / tshal dang / ra ba dang / zhing la sangs rgyas kyi rten gyi khang pa byas la dbyar dgun
87a₆ du tshul dang / bsam gtan du 'jug pa'i gnas dang / gtsang ma'i 'chags 'dzugs su gzhug pa'i rigs so/ /de la byang chub sems dpa' sems can no cog gi phyir theg pa chen po'i chos dang / tshul khrims kyi yi ge bkrol bshad na nam na tsha byung ba dang / yul gyi
87a₇ bgegs dang / dgra'i bgegs dang / pha ma dang / phu nu bo dang / mkhan po la sogs pa thog ma shi ba'i dus dang / bdun gsum gyi nyi ma dang / bdun bzhi'i nyi ma dang / bdun lnga'i nyi ma dang / bdun bdun gyi nyi ma la de'i phyir theg pa chen po'i yi ge dang / tshul

_{iiif viewer powered by OpenSeadragon}

86b - 87b

Texts on this page