rKTs

e-texts navigator

Volume

Page

82a₁ bu dang / blon po chen po la sogs pa gnyen zhes zer te/ snyems shing nan gyis nor slong la/ btsan ngag gis bsdigs te nan gyis nor dang / khe tshol lo cog gi ming ni ngan pa mang po tshol zhes bya'o/ /gzhan la yang snying rje med cing sri zhu dang mi 'gal ba'i
82a₂ sems yong med par bstan pa ni ltung ba'o/ /sangs rgyas kyi bu tshul khrims kha ton du klog pa slob pa na nyin gcig cing dus drug tu byang chub sems dpa'i tshul khrims bzung la/ de'i gzhung dang / don sangs rgyas kyi ngo bo nyid shes par bya'o/ /byang chub sems dpa' tshul
82a₃ khrims kyi yon tan tshig gcig le'u gcig kyang mi shes par sgyu ma'i tshig tu nus zhes zer ba ni bdag la brnyas shing bslus/ gzhan la yang brnyas te chos so cog rnam pa gcig kyang mi shes par gzhan la mkhan po byed cing tshul khrims ston pa ni ltung ba'o/ /sangs rgyas kyi bu
82a₄ ngan sems bskyed de/ tshul khrims 'dzin pa'i dge ba'i lag na pog snod khyer te/ byang chub sems dpa'i las byed pa la mthong nas phan tshun gnyis kyis bar du bar bcug ste/ 'phags pa'i mi la brnyas ma shin byed cing ngan mi byed pa med do zhes skur te/ de lta bu ched
82a₅ kar byas na ltung ba'o/ /sangs rgyas kyi bu snying rje spyad de ci'ang mi gsad par btang ba'i las byed cing pho'o cog ni bdag gi pha yin/ mo'o cog ni bdag gi ma yin/ bdag sngan chad kyi tshe rabs la gar skyes so cog na yang de dag las ma skyes pa med pas na 'gro ba drug
82a₆ gi sems can bdag gi pha ma yin te/ de bsad cing zos na bdag gi pha ma bsad do/ /gcig tu na bdag gi lus rnying pa bsad do/ /sa dang chu thams cad ni bdag gi lus snga ma yin no/ /me dang rlung ngo cog ni bdag gi gzugs kyi phyi mo yin pas rtag par gson por
82a₇ btang ba'i las byed/ gar skyes gar skyes kyang sems can gsod pa mthong na thabs spyad de/ bdag gis 'or tshos kyi rgya mo/ ba dang ra mda' byas te/ nyon mongs shing phongs pa thar bar bya'o/ /rtag par byang chub sems dpa'i tshul khrims bshad de/ bstan bslabs nas sems

_{iiif viewer powered by OpenSeadragon}

81b - 82b

Texts on this page