rKTs

e-texts navigator

Volume

Page

80b₁ chos kyi phyir lus dang bsngos te chos gsol lo/ /de ltar ma byas na ltung ba'o/ /sangs rgyas kyi bu gang la yang rung ste/ tshul khrims dang mdo sde 'chang ba'i khang khyim chen po'i nang na chos 'chad pa yod na byang chub sems dpa' gsar du slob pa tshul khrims kyi glegs bam khyer
80b₂ te/ chos kyi mkhan po'i gnas su song la gsol te/ dri zhing mnod pa'i rigs so/ /la la zhig ri dang / tshal dang / shing gi drung dang / dge 'dun gyi sa dang / khyim gyi nang dang / chos 'chad do cog gi sar byin par byas te/ mnyan cing 'dod do/ /de'i gnas su
80b₃ song ste ma mnyan/ ma mnos na ltung ba'o/ /sangs rgyas kyi bu sems ni theg pa chen po dang 'gal zhing rtag par sangs rgyas kyi yi ge dang / tshul khrims la 'dug kyang khar smra na sangs rgyas kyis bshad pa ma yin zhes zer na/ rtag par theg pa chung ngu rnam gnyis dang / mur
80b₄ 'dug gi chos la lta zhing log par lta ba'o cog gi tshul khrims dang / chos kyi yi ge gzungs su bzung na ltung ba'o/ /sangs rgyas kyi bu mi nad kyis btab bo cog rtag par rim gro byas te/ gsos la sangs rgyas dang mtshungs par byas na dge ba'i bsod nams rnam pa brgyad
80b₅ kyi nang na nad pa la lta zhing gsos pa'i dge ba'i bsod nams ni bsod nams kyi dam pa'o/ /pha ma dang / mkhan po dang / dge 'dun dang / slob ma'am/ dbang po ma tshang ba nad do cog gis btab cing nyon mongs na kun kyang gsos te sos par bya'o/ /de la byang chub
80b₆ sems dpa' sems can la lta gshe zhing ngan sems kyis dge 'dun gyi khyim dang / yul mkhar du ma phyin pa/ dbye dang / ri lung dang / mkhar dang / tshal na nad pa 'dug pa mthong ste ra mda' dang / rim gro ma byas na ltung ba'o/ /sangs rgyas kyi bu ral gri dang / mda'
80b₇ gzhu dang / mdung dang / sta re la sogs te thab mo'i spyad mtshon cha dang / sems can gsod pa'i spyad dang 'dra ba rgya rgya mo la sogs pa 'chang du mi rung ngo / /byang chub sems dpa' ni pha ma gzhan gyis bsad kyang sha mi glan na/ sems can thams cad gsad pa lta smos kyang

_{iiif viewer powered by OpenSeadragon}

80a - 81a

Texts on this page