rKTs

e-texts navigator

Volume

Page

73b₁ so/ /byis pa rnams mi shes pas de la mngon par zhen pas na dmyal ba dang / rnams kyi sdug bsngal gyis nyon mongs pa myong bar 'gyur ro/ /chos kyi gzhung 'di ji lta ba de ni dmigs pa'o/ /ji ltar dmigs pa de ni chos thams cad do/ /de ltar dus gsum
73b₂ gyi chos thams cad mnyam pa nyid de/ mi dmigs pas na gang dmigs pa de ni rtogs pa'o/ /gang rtogs pa de ni thob pa/ gang thob pa de ni byang chub/ gang byang chub pa de ni de bzhin nyid/ gang de bzhin nyid pa de ni yang dag pa'i mtha'/ gang yang dag pa'i mtha' de ni
73b₃ stong pa nyid/ gang stong pa nyid de ni mtshan ma med pa/ gang mtshan ma med pa de ni smon pa med pa/ gang smon pa med pa de ni don dam pa/ gang don dam pa de ni chos kyi dbyings/ gang chos kyi dbyings de ni gnyis su med pa'i mtha'/ gang gnyis su med pa'i mtha' de ni dbu mar
73b₄ sgrub pa/ gang dbu mar sgrub pa de ni yang dag par rdzogs pa'i sangs rgyas kyi chos kyi sku rtag pa/ brtan pa/ mi 'gyur ba ste/ rtag pa yang ma yin/ mi rtag pa yang ma yin te/ de ni gdags pa yang ma yin/ mi gdags pa yang ma yin/ gang gdags pa yang ma yin/ mi gdags
73b₅ pa yang ma yin pa de ni 'jig rten pa yang ma yin/ 'jig rten las 'das pa yang ma yin/ gang 'jig rten pa yang ma yin/ 'jig rten las 'das pa yang ma yin pa de ni brjod du med pa/ gang brjod du med pa de ni kyang med pa/ gang kyang med pa de ni sems can
73b₆ rnams kyi bsod nams kyi zhing / gang sems can rnams kyi bsod nams kyi zhing de ni ston pa/ gang ston pa de ni rnam par mi rtog pa/ gang rnam par mi rtog pa de ni dmigs pa med pa/ gang dmigs pa med pa de ni mi 'gyur ba grub pa/ gang mi 'gyur ba grub pa de ni yid bzhin
73b₇ gyi nor bu rin po che ste/ 'dul ba'i sems can rnams kyi bsam pa thams cad yongs su rdzogs par bya ba'i phyir ji ltar mos pa thams cad byed do/ /de nas byang chub sems dpa' mang po de dag gis tshig 'thun par smras pa/ chos kyi gzhung 'di gang na spyod pa'i sa phyogs de rdo rje lta bu ste/

_{iiif viewer powered by OpenSeadragon}

73a - 74a

Texts on this page