rKTs

e-texts navigator

Volume

Page

72a₁ byung ba yang ma yin pas na glen pa'i skyes bu de de lta bu'i tshul du zung shig / skyes bu dam pa 'gro ba tha dad pa'i chos de dag ni sgyu ma lta bu ste/ de las 'da' bar yang mi nus/ 'gro ba tha dad pa'i chos ni yongs su ma rdzogs pas na de las 'da' bar yang dka'/
72a₂ sems can gyi khams ni phyi na yang med/ nang na yang med de/ gnyis kar yang dmigs su med pas na/ gang sems can gyi khams kyi dngos po de ni 'gro ba tha dad pa'i chos kyi dngos po ste/ de las 'da' bar yang dka' ba de la kye rgyal ba'i sras bcom ldan 'das kyis 'gro
72a₃ ba tha dad pa'i chos las 'das shing 'jig rten las 'das pa'i chos thob pa'i dge slong de ni rab tu byung bar gyur/ bsnyen par rdzogs par yang dag par rdzogs pa ste/ de ni dad pas byin pa spyod pa'i mchod gnas su gyur pa'o zhes gsungs pa yang kye rgyal ba'i sras rten pa'i
72a₄ gnas med na/ de la 'thob pa gang ci ste 'jig rten las 'das pa'i chos rnams 'thob par 'gyur na de ni dmigs par gyur pa'o/ /de bzhin gshegs pa dgra bcom pa yang dag par rdzogs pa'i sangs rgyas kyi chos nyid ni mi dmigs pa ste/ bcom ldan 'das kyis kyang 'di ltar
72a₅ dgongs nas 'gro ba tha dad pa'i chos las 'das shing 'jig rten las 'das pa'i chos thob pa de ni dge slong yang dag par gyur pa ste/ dad pas byin pa spyod pa'i mchod gnas so/ /de nas byams pa byang chub sems dpas 'jig rten gyi dbang po byang chub sems dpa' la smras pa/
72a₆ bcom ldan 'das kyis ci las dgongs te/ brtson pa mi 'dor ba'i dge slong gang gis gzugs mi 'dor/ tshor ba dang / 'du shes dang / 'du byed dang / rnam par shes pa mi 'dor ba de ni rab tu byung ba'i dge slong ste/ de ni dge bar gsungs pa'i chos kyis 'dul ba la shin tu
72a₇ rab tu byung bar gyur pas na 'di lta bu'i dge slong ni dad pas byin pa spyod pa'i mchod gnas su gyur pa'o zhes gsungs/ 'jig rten gyi dbang pos smras pa/ kye rgyal ba'i sras bcom ldan 'das kyis chos nyid la dgongs te chos kyi dbyings nang na yang med/ phyi na yang med de/ gnyi

_{iiif viewer powered by OpenSeadragon}

71b - 72b

Texts on this page