rKTs

e-texts navigator

Volume

Page

68b₁ bar skul ba dang / 'jig rten gyi chos dang ma 'dres par skul ba dang / dgon pa la dga' bar skul ba dang / 'dod pa chung zhing chog shes par skul ba dang / 'das pa dang ma 'ongs pa ma grol ba dgrol ba dang / dbugs ma phyin pa dbugs dbyung ba dang / yongs su
68b₂ mya ngan las ma 'das pa yongs su mya ngan las bzla bar skul ba dang / dkon mchog gsum gyi gdung mi 'chad par skul ba dang / sangs rgyas kyi zhing gi yon tan bkod pa yongs su dag par blang bar skul ba ste/ lha'i bu byang chub sems dpa' rnams kyi byang chub yongs
68b₃ su smin par byed pa'i chos ni sum cu rtsa lnga po de dag go/ /lha'i bu de ltar byang chub sems dpa' yongs su smin par byas pa ni bla na med pa yang dag par rdzogs pa'i byang chub las bskyod du med pa yin te/ de ni phas kyi rgol ba thams cad kyis thul bar mi nus so/ /de ni phyin
68b₄ chad kyang byang chub sems dpa'i dregs pa bcus dregs par mi 'gyur ro/ /bcu gang zhe na/ tshul khrims kyis dregs pa dang / thos pas dregs pa dang / spobs pas dregs pa dang / rnyed pa dang / bkur sti dang / tshigs su bcad pas dregs pa dang / dgon par
68b₅ gnas pas dregs pa dang / sbyangs pa'i yon tan dang / yo byad bsnyungs pas dregs pa dang / gzugs dang / longs spyod dang / dbang phyug dang / g.yog 'khor gyis dregs pa dang / brgya byin dang tshangs pa dang 'jig rten skyong ba bsnyen bkur byed pas dregs pa dang /
68b₆ bsam gtan dang / mngon par shes pas dregs pa dang / sangs rgyas dang / chos dang / dge 'dun la dad pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dag 'dod pa dang bstod pa
68b₇ dang bsngags par byed pa des kyang snyems pa med pa yin te/ lha'i bu byang chub sems dpa'i dregs pa bcu po de dag gis mi snyems rab tu mi snyems so/ /de nas 'jam dpal gzhon nur gyur pa la lha'i bu dpal ldan gyis 'di skad ces smras so/ /'jam dpal

_{iiif viewer powered by OpenSeadragon}

68a - 69a

Texts on this page