| e-texts navigator |
| བོད་ཡིག |
66a1 pa dang / lha'i bu dpal ldan dga' mgu yi rangs te/ rab tu dga' zhing dga' ba dang yid bde ba skyes nas/ 'khor dang bcas pas 'jam dpal gzhon nur gyur pa la mchod pa'i las bya ba'i phyir lha'i me tog man dA ra ba dang / ud pa la dang / pad
66a2 ma dang / ku mu da dang / pad ma dkar po dag gis thams cad dang ldan pa'i 'khor la gtor to/ /me tog de dag gtor ma thag tu de nas de'i tshe sangs rgyas kyi mthus steng gi bar snang la me tog pad ma shing rta'i 'phang lo tsam gyi tshad blta na sdug pa bsung dang ldan pa yid du
66a3 'ong ba dag byung bar gyur to/ /me tog de dag gi dbus kyi snying po la byang chub sems dpa' lus skyes bu chen po'i mtshan sum cu rtsa gnyis kyis brgyan pa dag byung bar gyur to/ /de nas 'jam dpal gzhon nur gyur pa la lha'i bu dpal ldan gyis 'di skad ces smras so/ /
66a4 'jam dpal byang chub sems dpa' 'di dag gang nas lhags/ 'jam dpal gyis smras pa/ lha'i bu me tog 'di dag ga las 'ongs pa nyid nas so/ /lha'i bus smras pa/ 'jam dpal me tog 'di dag ni sprul pa ste/ bdag gis khyod la mchod pa'i las bgyi ba'i slad
66a5 du gtor to/ /'jam dpal gyis smras pa/ lha'i bu ji ltar me tog 'di dag sprul pa yin pa ltar byang chub sems dpa' de dag gi lus la'ang de bzhin du blta'o/ /de nas de'i tshe bcom ldan 'das 'dzum pa mdzad do/ /'di ni sangs rgyas bcom ldan 'das rnams gang
66a6 gi tshe 'dzum pa mdzad pa'i chos nyid de/ de'i tshe bcom ldan 'das kyi zhal gyi sgo nas 'od zer kha dog sna tshogs kha dog du ma 'di lta ste/ sngon po dang / ser po dang / dmar po dang / dkar po dang / le brgan dang / shel gyi kha dog lta bu dag byung ngo / /de dag gis kyang
66a7 'jig rten gyi khams mtha' yas mu med pa snang bas khyab par byas nas/ steng du tshangs pa'i 'jig rten gyi bar du mngon par byung ste/ gzi brjid kyis nyi ma dang zla ba'i gzi brjid zil gyis mnan nas slar log ste/ bcom ldan 'das kyi dbu'i gtsug tu nub bo/ /de nas lha'i bu
iiif viewer powered by OpenSeadragon
Texts on this page
D252 - 'phags pa bzhi pa sgrub pa zhes bya ba theg pa chen po'i mdo