rKTs

e-texts navigator

Volume

Page

64b₁ thams cad bde bar gzhog pas nad med pa dang / chos thams cad la the tsom med pas nad med pa ste/ bzhi po de dag go/ /lha'i bu bzhi po 'di dag ni byang chub sems dpa' rnams kyi bdag gi phyogs so/ /bzhi gang zhe na/ pha rol tu phyin pa'i phyogs dang / byang chub kyi
64b₂ phyogs kyi chos kyi phyogs dang / dge ba'i bshes gnyen yang dag pa'i phyogs dang / sdig pa thams cad mi bya ba'i phyogs te/ bzhi po de dag go/ /lha'i bu bzhi po 'di dag ni byang chub sems dpa' rnams kyi mi bskyod pa'o/ /bzhi gang zhe na/ byang chub kyi sems
64b₃ mi bskyod pa dang / yi dam mi bskyod pa dang / ji skad smras pa de bzhin du byed pa las mi bskyod pa dang / yang dag pa'i nan tan las mi bskyod pa ste/ bzhi po de dag go/ /lha'i bu bzhi po 'di dag ni byang chub sems dpa' rnams kyi tshogs so/ /bzhi gang zhe na/
64b₄ zhi gnas kyi tshogs dang / lhag mthong gi tshogs dang / thos pa'i tshogs dang / dge ba'i rtsa ba thams cad kyi tshogs te/ bzhi po de dag go/ /lha'i bu bzhi po 'di dag ni byang chub sems dpa' rnams kyi chos zung du 'brel bar 'gyur ba'o/ /bzhi gang zhe na/ bsam
64b₅ pa dang sbyor ba zung du 'brel pa dang / gtong ba dang bsngo ba zung du 'brel ba dang / byams pa dang snying rje zung du 'brel pa dang / thabs dang shes rab zung du 'brel pa ste/ bzhi po de dag go/ /lha'i bu bzhi po 'di dag ni byang chub sems dpa' rnams kyi sgrib pa'i rgyu 'thun pa'i rmi
64b₆ lam mo/ /bzhi gang zhe na/ khron pa rdul can mthong zhing de'i gting na yang zla ba'i dkyil 'khor mthong ba dang / mtshe'u 'am/ rdzing bu'am/ khron pa rnyog pa can mthong zhing / de'i gting na yang zla ba'i dkyil 'khor mthong ba dang / bar snang la sprin chen pos yog cing de la yang
64b₇ zla ba'i dkyil 'khor mthong ba dang / bar snang la rlung dang / rdul dang / du bas 'khrigs par mthong zhing / de la yang zla ba'i dkyil 'khor mthong ba ste/ bzhi po de dag go/ /lha'i bu bzhi po 'di dag ni byang chub sems dpa' rnams kyi las kyi sgrib pa'i rgyu 'thun pa'i rmi lam

_{iiif viewer powered by OpenSeadragon}

64a - 65a

Texts on this page