| e-texts navigator |
| བོད་ཡིག |
63b1 zhe na/ 'du 'dzi las 'byung ba dang / yul thams cad las 'byung ba dang / 'phags pa ma yin pa'i bsam pa las 'byung ba dang / khams gsum thams cad las 'byung ba ste/ bzhi po de dag go/ /lha'i bu bzhi po 'di dag ni byang chub sems dpa' rnams kyi bde ba'o/ /
63b2 bzhi gang zhe na/ dngos po thams cad la mi lta ba'i phyir bdag gi ba med cing yongs su 'dzin pa med pa'i bde ba dang / yul spangs pas dben pa'i bde ba dang / nyon mongs pa med pa'i phyir zhi ba'i bde ba dang / sems can thams cad yongs su mi gtong ba'i phyir mya ngan
63b3 las 'das pa'i bde ba ste/ bzhi po de dag go/ /lha'i bu bzhi po 'di dag ni byang chub sems dpa' rnams kyi mchog tu dga' ba'o/ /bzhi gang zhe na/ de bzhin gshegs pa mthong bas mchog tu dga' ba dang / chos thos pas mchog tu dga' ba dang / sbyin pa la 'gyod
63b4 pa med pas mchog tu dga' ba dang / sems can thams cad la bde ba skyed pas mchog tu dga' ba ste/ bzhi po de dag go/ /lha'i bu bzhi po 'di dag ni byang chub sems dpa' rnams kyi bden pa'o/ /bzhi gang zhe na/ byang chub kyi sems mi gtong ba dang / yi dam las
63b5 mi nyams pa dang / skyabs su song ba dag yongs su mi gtong ba dang / ngag bsdams pas tshig thams cad bden pa ste/ bzhi po de dag go/ /lha'i bu bzhi po 'di dag ni byang chub sems dpa' rnams kyi dge ba'i chos so/ /bzhi gang zhe na/ dge ba'i chos thams cad la
63b6 lhag pa'i bsam pas sbyor ba dang / ma bslabs pa thams cad la mi brnyas pa dang / gsol ba ma btab par sems can thams cad la bshes gnyen du gyur pa dang / yon tan thams cad sgrub pa la phyir bya ba'i re ba med pas lan la mi re ba ste/ bzhi po de dag go/ /lha'i
63b7 bu bzhi po 'di dag ni byang chub sems dpa' rnams kyi spyod pa rnam par dag pa'o/ /bzhi gang zhe na/ bdag med pa'i phyir tshul khrims rnam par dag pa dang / sems can med pa'i phyir ting nge 'dzin rnam par dag pa dang / srog med pa'i phyir shes rab rnam par dag pa dang /
iiif viewer powered by OpenSeadragon
Texts on this page
D252 - 'phags pa bzhi pa sgrub pa zhes bya ba theg pa chen po'i mdo