| e-texts navigator |
| བོད་ཡིག |
61a1 pas dgon gnas rtag tu bsten par bya/ /chos 'di dag la rtag tu rab gnas na/ /bdud rnams bcom nas byang chub de 'tshang rgya/ /bcom ldan 'das kyis de skad ces bka' stsal nas/ dge slong de dag dang / byang chub sems dpa' de dag dang /
61a2 thams cad dang ldan pa'i 'khor de dag yi rangs te/ bcom ldan 'das kyis gsungs pa la mngon par bstod do// //'phags pa chos bzhi pa zhes bya ba theg pa chen po'i mdo rdzogs so/ /@##/ /rgya gar skad du/ Ar+ya
61a3 tsa tu sh+ka ni ra hA ra nA ma ma hA yA na sU tra/ bod skad du/ 'phags pa bzhi pa sgrub pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal
61a4 bu rgyal byed kyi tshal mgon med zas sbyin gyi kun dga' ra ba na/ dge slong lnga brgya tsam gyi dge slong gi dge 'dun chen po dang / byang chub sems dpa' brgya stong thams cad kyang go cha chen po bgos pa sha stag dang / 'dod pa na spyod pa dang / gzugs na spyod pa'i lha'i bu rnams
61a5 dang thabs cig tu bzhugs te/ de nas bcom ldan 'das 'khor brgya stong du mas yongs su bskor cing mdun gyis bltas nas chos ston to/ /de nas 'jam dpal gzhon nur gyur pas bcom ldan 'das la mchod pa'i las kyi phyir rin po che'i gdugs dpag tshad bcu'i tshad tsam
61a6 thogs te/ bcom ldan 'das kyi dbu'i gtsug tu 'dzin to/ /de nas 'khor de nyid du dga' ldan gyi ris kyi lha'i bu dpal ldan zhes bya ba bla na med pa yang dag par rdzogs pa'i byang chub las phyir mi ldog pa g.yog dang bcas te 'khor de nyid du 'dus par gyur nas
61a7 'dug pa de stan las langs te gos phrag pa gcig tu gzar nas pus mo g.yas pa'i lha nga sa la btsugs te/ 'jam dpal gzhon nur gyur pa ga la ba de logs su thal mo sbyar ba btud nas/ 'jam dpal gzhon nur gyur pa la 'di skad ces smras so/ /'jam dpal khyod da dung
iiif viewer powered by OpenSeadragon
Texts on this page
D251 - 'phags pa chos bzhi pa zhes bya ba theg pa chen po'i mdo
D252 - 'phags pa bzhi pa sgrub pa zhes bya ba theg pa chen po'i mdo