rKTs

e-texts navigator

Volume

Page

39b₁ de nas bcom ldan 'das la drang srong chen po me sgron gyis 'di skad ces gsol to/ /bcom ldan 'das deng slan chad drang srong chen po me sgron bdag thams cad mkhyen pa nyid du smon par bgyid do/ /bcom ldan 'das gal te bdag bskal pa dpag tu ma mchis par sems can
39b₂ dmyal ba'i zhugs kyi 'obs su gnas par 'gyur ba'am/ ri rab 'og min gyi gnas tsam du gyur pa mthon po'i kha de nas bdag gis bdag 'dor bar 'gyur ba'am/ gdung ba lnga bskal pas bsreg pa lta bur 'gyur ba'am/ nyi ma bskal par gnas par 'gyur ba'am/
39b₃ bskal pa sum cu'i zla ba gcig tu smyung bar 'gyur ba de lta bu'i dka' ba spyad par ni bcom ldan 'das bdag spro ste 'dun gyi/ thams cad mkhyen pa nyid kyi slad du ni brtson 'grus nyams par mi bgyi'o/ /drang srong chen po mngon par shes pa lnga dang ldan pa ji snyed bcom ldan
39b₄ 'das kyi gan du lhags pa de dag kyang stan las langs te bcom ldan 'das la 'di skad ces gsol to/ /bcom ldan 'das bdag cag kyang deng slad chad bla na med pa yang dag par rdzogs pa'i byang chub tu smon par bgyi'o/ /rngo ci thogs kyis brtson 'grus brtsam par
39b₅ bgyi'o/ /drang srong rnams kyis tshig de dag smras ma thag tu/ bcom ldan 'das kyi smin mtshams nas 'dul ba can zhes bya ba'i 'od zer phyung / phyogs bcu'i sangs rgyas thams cad kyis kyang smin mtshams nas 'dul ba can zhes bya ba'i 'od zer phyung ste/ 'od zer de dag
39b₆ gi mthus sa chen po 'di rnam pa drug tu g.yos/ rab tu g.yos/ 'gul/ rab tu 'gul/ ldeg rab tu ldeg ste/ shar phyogs mtho na lho phyogs dma'/ nub phyogs dma' na byang phyogs mtho/ shar phyogs dma' na lho phyogs mtho/ nub phyogs mtho na byang
39b₇ phyogs dma'o/ /phyogs bcu'i sangs rgyas thams cad kyis kyang de bzhin gshegs pa'i steng du me tog gi char phab/ rnga bo che rnams brdungs so/ /dri za'i bdag po yid du 'ong ba rnams kyis kyang yan lag lnga pa'i sil snyan gyis bcom ldan 'das la mngon par bstod

_{iiif viewer powered by OpenSeadragon}

39a - 40a

Texts on this page