rKTs

e-texts navigator

Volume

Page

38b₁ chags pa skye bar 'gyur ro/ /gang dang de su skyes nas lhan cig 'dus par gyur pa de'i dbang phyug mthong nas phrag dog skye bar 'gyur/ gzhan gyi nor la 'dod par 'gyur te/ 'di ni su skyes pa rnams kyi 'du ba'i mtshan nyid do/ /de la bdag dang 'di
38b₂ lhan cig tu kyi nang na gnas gnas par mngon no zhes de ltar shes par bya'o/ /drang srong chen po mir skyes pa gang la la zhig tshe rabs gzhan dag nas 'dus par gyur pa ni des de mthong na 'dod chags kyi sems skye bar 'gyur te/ drang srong chen po 'di ni mir
38b₃ skyes pa'i sems can rnams kyi 'du ba'i mtshan nyid do/ /de la bdag dang 'di mi rnams kyi nang na gnas gnas par mngon no/ /zhes de ltar shes par bya'o/ /drang srong chen pos gsol pa/ bcom ldan 'das gang dag lhar skyes te 'dus par gyur pa las mir
38b₄ skyes pa de dag gi ji lta bu lags/ bcom ldan 'das kyis bka' stsal pa/ drang srong chen po gang dag lhar skyes te/ 'dus par gyur pa de dag ni/ phan tshun mthong na lta ba la 'jug par 'gyur te/ des na bdag dang 'di lhar skyes te lhan cig 'dus par gyur to zhes
38b₅ shes par bya'o/ /drang srong chen po rnam pa de lta bu dag tu sems can 'du bar 'gyur ro/ /de nas drang srong chen po me sgron dga' mgu ste yi rangs nas bcom ldan 'das la 'di skad ces gsol to/ /bcom ldan 'das gang dag thams cad mkhyen pa nyid du smon pa mi
38b₆ bgyid pa'i sems can de dag ni bslus pa'o zhes bdag 'chad do/ /de nas yang bcom ldan 'das kyis drang srong chen po me sgron la 'di skad ces bka' stsal to/ /drang srong chen po gang na sems can zhes bya ba phra ba ji tsam zhig yod ces nga la de skad zer ba ni drang srong
38b₇ chen po gang sems can du dmigs pa de sems can phra mor rnam par 'byed do/ /drang srong chen po 'di lta ste/ dper na la la zhig gis dmus long zhig la 'di skad du/ kye skyes bu kha dog dkar po zhes bya ba ci 'dra zhes smras na/ drang srong chen po 'di ji snyam du sems/

_{iiif viewer powered by OpenSeadragon}

38a - 39a

Texts on this page