rKTs

e-texts navigator

Volume

Page

37b₁ chags pa'i skyon chags par shes nas phung po ma lus pa'i mya ngan las 'das pa'i dbyings su yongs su mya ngan las 'da' bar byed pa ches mang ste/ drang srong chen po de'i phyir bskal pas sreg par 'gyur ro/ /de nas drang srong chen po me sgron gyis rang gi yid kyis rnam
37b₂ par dpyad nas tshig tu smras pa/ kye ma'o gang bdag drang srong chen po zhes 'bod pa shAkya'i sras 'di'i che ba nyid ni rgya che ba'o/ /bdag gis 'di la bgams pas kyang chog ste/ 'di ni thams cad mkhyen par mngon gyis/ bdag gis kyang 'di la yang dag pa'i ming gis bod par
37b₃ bya'o zhes smras so/ /de nas bcom ldan 'das la drang srong chen po me sgron gyis 'di skad ces gsol to/ /yon tan gyi 'byung gnas su gyur cing mkhyen pa dpag tu ma mchis pas thams cad mkhyen pa zhes mtshan gsol pa/ sems can gnas gang du 'du bar 'gyur ba
37b₄ bdag la bka' stsol cig / bcom ldan 'das kyis bka' stsal pa/ drang srong chen po gnas med pa la sems can 'du bar 'gyur ro/ /mnyam pa nyid la sems can 'du bar 'gyur ro/ /drang srong chen po theg pa gcig gis 'byung ba la sems can 'du bar 'gyur
37b₅ ro/ /byang chub kyi snying po la sems can 'du bar 'gyur ro/ /drang srong chen po phung po ma lus pa'i mya ngan las 'das pa'i dbyings su sems can 'du bar 'gyur ro/ /drang srong chen po 'di lta ste/ dper na chu klung chen po tha dad pa dang / klung phran dang / klung chen po dag
37b₆ rgya mtsho chen por bab nas ro gcig tu 'gyur ro/ /drang srong chen po de bzhin du sems can gyi khams ji snyed zag pa zad par byed pa de dag thams cad rnam par grol ba'i ngang du gyur pas 'du bar 'gyur ro/ /drang srong chen po 'khor bar 'du bas sems can 'du bar 'gyur
37b₇ ba ni 'du ba ma yin pa'o zhes nga smra'o/ /drang srong chen po 'di lta ste/ dper na rlung gis bdas nas phye ma leb phyi phyi zhwa la 'du bar 'gyur te/ rlung med na so sor 'gyes so/ /drang srong chen po de bzhin du sems can dmyal bar 'gro bar 'gyur bas phan tshun las 'brel pa'i

_{iiif viewer powered by OpenSeadragon}

37a - 38a

Texts on this page