rKTs

e-texts navigator

Volume

Page

36b₁ nyes par byas pa'i las rnams kyi rnam par smin pa tha dad pa med par 'gyur ro/ /drang srong chen po yang 'di lta ste/ bskal pas sreg pa 'di ni de bzhin gshegs pa rnams kyi thabs mkhas pa ste/ drang srong chen po sems can ji snyed bskal pas sreg par 'gyur ba thos
36b₂ nas dad par 'gyur ba'i sems can de snyed de bzhin gshegs pas bsdu ba'i dngos pos sdud par 'gyur ro/ /drang srong chen po 'di lta ste/ dper na kha chu ldag pa'i sbrul ni mig gis kyang rdub/ rna ba dang / sna dang / kha'i sgo nas kyang rdub bo/ /drang srong chen po de bzhin
36b₃ gshegs pa la yang de ltar blta ste/ sbyin pas kyang sdud/ snyan par smra bas kyang sdud/ don spyod pas kyang sdud/ don 'thun pas kyang sdud do/ /drang srong chen po 'di lta ste/ dper na gser la gnod par bya ba'i phyir mer 'jug pa ma yin gyis/ gser dul ma ma yin pa
36b₄ 'di ji ltar na dul mar 'gyur snyam nas de'i phyir mer 'jug ste/ shin tu bsregs pa'i phyir rin po che'i 'os su 'gyur ro/ /rin po ches spras pa de'i rin thang med par 'gyur te/ drang srong chen po de'i phyir gser brdung ba dang bsreg pas rnam par sbyong ngo / /drang srong chen
36b₅ po de bzhin du sangs rgyas bcom ldan 'das rnams kyang rgyu med par sreg pa'i bskal pa mi 'byin te/ 'dir sems can gang la yang gnod par mi 'gyur ro/ /de nas bcom ldan 'das la drang srong chen po me sgron gyis 'di skad ces gsol to/ /bcom ldan 'das bskal
36b₆ pas sreg pa'i me phyung yang sems can gang la yang gnod par mi 'gyur ba ni ngo mtshar to/ /bcom ldan 'das kyis bka' stsal pa/ drang srong chen po de bzhin gshegs pa rnams ni sems can gang la yang gnod par mi mdzad do/ /drang srong chen po 'di lta ste/ dper na
36b₇ phyogs bcu rnams su char phra mo'i rgyun 'bab pa de bas ni drang srong chen po de bzhin gshegs pa rnams dang / sa bcu la gnas pa'i byang chub sems dpa' rnams nye bar gnas te/ rang gi lag gis sems can thar par byed pa ni ches mang ngo / /drang srong chen po de'i tshe

_{iiif viewer powered by OpenSeadragon}

36a - 37a

Texts on this page