rKTs

e-texts navigator

Volume

Page

36a₁ 'os su mi 'gyur ba de ji lta bu/ drang srong chen pos gsol pa/ kye gau ta ma rlung dang nyi mas shing tog rnams ma rung bar bgyis so/ /bcom ldan 'das kyis bka' stsal pa/ drang srong chen po de de bzhin te/ las kyi rlung gis kyang sems can gyi 'bras bu rnams ma
36a₂ rung bar byas so/ /drang srong chen po kha cig ni mngal na gnas pa nyid kyi tshe srin bu rnams kyis zos so/ /kha cig ni las kyi rlung rnams kyis phye mar byas so/ /drang srong chen po shing gi nyes pa ni nyung ngo / /sems can gyi nyes pa ni mang ngo / /drang srong chen po yang sems can
36a₃ gyi khams ni yongs su rtog pas kun nas bslang ba ste/ drang srong chen po sems can rnams kyi sems dang sems las byung ba 'jug pa ji snyed pa de snyed du srid pa la dmigs te/ drang srong chen po de'i phyir sems can gyi khams ni yongs su rtog pas kun nas bslang ba'o zhes nga
36a₄ smra'o/ /drang srong chen pos gsol pa/ kye gau ta ma de de bzhin te/ zhu ba brjod pa 'di ni rnam par dag go/ /ci'i slad du bskal pas sreg par 'gyur ba bka' stsol cig /bcom ldan 'das kyis bka' stsal pa/ drang srong chen po chos kyi dbyings 'dus ma byas pa'i phyir bskal
36a₅ pas sreg par 'gyur ro/ /drang srong chen po gal te bskal pas sreg par mi 'gyur na chos kyi dbyings gnyis su 'gyur te/ la la mi rtag la/ la la rtag par 'gyur ro/ /de'i tshe de bzhin gshegs pa bden pa smra bar mi 'gyur ro/ /drang srong chen po gang gi phyir 'di thams cad
36a₆ rtag pa ma yin/ brtan pa ma yin/ dbugs phyin pa ma yin pa de'i tshe de bzhin gshegs pa thams cad mkhyen pa zhes bya ba de'i ming thob bo/ /drang srong chen pos bram ze'i khye'u la smras pa/ 'di thams cad mkhyen par mtshan gsol pa ni 'thun no/ /bcom ldan 'das
36a₇ kyis bka' stsal pa/ drang srong chen po gal te bskal pas bsregs par ma gyur na 'di ni dus bzang po'o/ /'di ni dus ngan pa'o zhes bya bar dus tha dad pa med par 'gyur ro/ /drang srong chen po gal te yang bskal pas bsregs par ma gyur na legs par byas pa dang /

_{iiif viewer powered by OpenSeadragon}

35b - 36b

Texts on this page