rKTs

e-texts navigator

Volume

Page

33b₁ phyung / byang chub sems dpa' bye ba dpag tu med pa dang / brgya byin dang / tshangs pa dang / 'jig rten skyong ba dpag tu med pa phyung / dgra bcom pa brgya stong dpag tu med pa phyung / dge slong dang / dge slong ma dang / dge bsnyen dang / dge bsnyen ma brgya stong
33b₂ dpag tu med pa phyung / 'khor los sgyur ba dang / stobs kyi 'khor los sgyur ba dang / khams kyi rgyal po dang / rig sngags 'chang dpag tu med pa phyung / rgya dang / ri brags pa dang / 'gro lding ba dang / lho phyogs pa dang / nags khrod pa dpag tu med pa phyung /
33b₃ rgyal rigs shing sA la chen po lta bu dang / bram ze dang khyim bdag shing sA la chen po lta bu dang / mi gzugs dang / cha byad dang / mdog dang / smra ba'i skad sna tshogs pa ji snyed pa dang / lha'i ris ji snyed pa de dag thams cad de bzhin gshegs pa'i sku las phyung
33b₄ ngo / /de nas 'khor chen po de the tshom du gyur nas phan tshun gdong du lta'o/ /byang chub sems dpa' rnams rab tu dga' ste/ rin po che'i char 'bebs pa nas rgyan thams cad kyi bar gyi char 'bebs so/ /de nas bcom ldan 'das rin po che gtong ba'i ting nge 'dzin
33b₅ las bzhengs te/ seng ge bsgyings pas phyogs bcur rnam par gzigs so/ /bcom ldan 'das kyis phyogs bcur gzigs ma thag tu de nas phyogs bcu'i sangs rgyas kyi zhing dag nas sangs rgyas bcom ldan 'das ji snyed sangs rgyas kyi spyan la snang ba de dag thams cad lag
33b₆ mthil du bzhag pa bzhin du mi mjed kyi 'jig rten gyi khams su kun tu snang ngo / /de bzhin gshegs pa thams cad kyis kyang bcom ldan 'das shAkya thub pas ji ltar phyung ba de 'dra ba'i rdzu 'phrul gyi cho 'phrul phyung ste/ de bzhin gshegs pa rnams kyi sprul pa phyung ba ji snyed pa
33b₇ de dag thams cad kyang bcom ldan 'das ga la ba de logs su dong ste phyin nas bcom ldan 'das kyi 'khor gyi nang du 'dus par gyur to/ /byang chub sems dpa' dpag tu med pa dag kyang / dge slong dang / dge slong ma dang / dge bsnyen dang / dge bsnyen ma gang gA'i bye

_{iiif viewer powered by OpenSeadragon}

33a - 34a

Texts on this page