| e-texts navigator |
| བོད་ཡིག |
12a1 dge ba dang ngan pa'i chos bshig ste/ chos gcig bshig cing yod bzhin du chos bshad na/ sangs rgyas kyi chos lam bshad pa yin no/ /byang chub sems dpas chos bshad pa na mi g.yo ba bzhin du shod cig /byang chub sems dpa' spyod med kyis
12a2 sangs rgyas la gsol pa/ bcom ldan 'das ji ltar mi g.yo ba bzhin du bshad ces bgyi/ sangs rgyas kyis byang chub sems dpa' spyod med la bka' stsal pa/ rigs kyi bu pho yang dag pa'i bden pa'i chos gcig bshad pa ni mi g.yo ba bzhin du bshad pa yin no/ /sems drang po
12a3 rdzogs par bshad pa ni mi g.yo ba bzhin du bshad pa yin no/ /mu gcig la chags pa med par bshad pa ni mi g.yo ba bzhin du bshad pa yin no/ /bye brag dbye ba med par bshad pa ni mi g.yo ba bzhin du bshad pa yin no/ /sems gcig tu gtsang mar gnas te
12a4 bshad na mi g.yo ba bzhin du bshad pa yin no/ /bshad do cog kun bshad du med na mi g.yo ba bzhin du bshad pa yin no/ /de nas byang chub sems dpa' spyod med kyis sems can phal mang po thams cad kun gyis bye brag phyed par khong du chud par bya ba'i phyir yang sangs rgyas
12a5 la gsol pa/ ji lta bur bshad na bshad pa med de/ mi g.yo ba bzhin du bshad ces bgyi/ sangs rgyas kyis byang chub sems dpa' spyod med la bka' stsal pa/ rigs kyi bu pho chos so cog gi rang bzhin gyi gzugs stong pa bas na dgrol zhing bshad du med do/ /chos so cog
12a6 la gzugs med pas na gzugs la dgrol zhing bshad du med de bshad du mi rung ngo / /chos so cog la bya ba'ang med/ g.yo ba'ang med pas na bya ba med pa'i dgrol bshad pa la bshad du mi rung ngo / /rigs kyi bu pho dgrol bshad pa ni de ltar bshad de/ bshad pa de
12a7 bshad du mi rung bas mi g.yo ba bzhin bshad ces bya'o/ /byang chub sems dpa' spyod med kyis sangs rgyas la gsol pa/ bcom ldan 'das chos ni de ltar bshad lags pa lta na/ ji lta bur na sems drang por rdzogs par bshad ces bgyi/ sangs rgyas kyis byang chub
iiif viewer powered by OpenSeadragon
Texts on this page
D243 - dam pa'i chos kyi rgyal po theg pa chen po'i mdo